AKPA 2
Tso Tsiɖɔɖɔ Dzi Va Se Ðe Ðeɖe Tso Egipte
Ame enyi pɛ koe tsi agbe le Tsiɖɔɖɔ la me, gake le ɣeyiɣi aɖe megbe la, wosɔ gbɔ ɖe edzi de akpe nanewo. Azɔ le Tsiɖɔɖɔ megbe ƒe 352 la, wodzi Abraham. Míenya alesi Mawu wɔ ɖe eƒe ŋugbedodo dzie, be wòna viŋutsu aɖe, si ŋkɔe nye Isak la Abraham. Emegbe la, Mawu tia Yakob tso Isak ƒe viŋutsu eveawo dome.
Ƒome gã aɖe, si nye viŋutsu 12 kple nyɔnuvi aɖewo nɔ Yakob si. Yakob ƒe vi 10 lé fu wo nɔvi suetɔ Yosef, eye wotsɔe dzra ɖe kluvinyenye me le Egipte. Emegbe Yosef trɔ zu dziɖula vevi aɖe le Egipte. Esime dɔ sesẽ aɖe to la, Yosef do nɔviawo kpɔ be yeakpɔ be wotrɔ dzime hã. Mlɔeba la, Yakob ƒe ƒome bliboa katã, si nye Israel-viwo la ʋu ɖanɔ Egipte. Abraham dzidzi megbe ƒe 290 ye esia dzɔ.
Ƒe 215, siwo dze eyome la, Israel-viwo nɔ Egipte. Le Yosef ƒe ku megbe la, wotrɔ zu kluviwo le afima. Emegbe wodzi Mose, eye Mawu wɔ eŋudɔ be wòaɖe Israel-viwo tso Egipte. Le yi katã me la, ƒe 857 ƒe ŋutinyae wokpe ɖo le Akpa EVELIA me.
LE AKPA SIA
ŊUTINYA 12 LIA
Amegbetɔwo Tu Mɔ́ Kɔkɔ Aɖe
Mawu mekpɔ ŋudzedze ɖe wo ŋu o, eye tohehe si wòna wo la le ŋusẽ kpɔm ɖe mía dzi va se ɖe egbea.
ŊUTINYA 13 LIA
Abraham
Nu ka tae Abraham dzo le aƒe si me nu dze edzi nɛ le la me heyi ɖanɔ avɔgbadɔwo me le eƒe agbeŋkeke mamlɛawo me?
ŊUTINYA 14 LIA
Mawu Do Abraham Ƒe Xɔse Kpɔ
Nu ka tae Mawu bia tso Abraham si be wòatsɔ via Isak asa vɔe?
ŊUTINYA 16 LIA
Isak Kpɔ Nyɔnu Nyui Aɖe
Nu kae wɔe be Rebeka nye srɔ̃nyɔnu nyui? Eƒe tugbedzedze ye loo alo nu bubu aɖee?
ŊUTINYA 19 LIA
Ƒome Gã Aɖe Le Yakob Si
Yakob ƒe viŋutsu 12-awo ƒe ŋkɔwoe woyɔna na Israel-to 12-awoa?
ŊUTINYA 22 LIA
Wode Yosef Gaxɔ Me
Menye esi wòda se dzi tae wodee gaxɔ me ɖo o, ke boŋ esi wòwɔ nu nyui tae.
ŊUTINYA 24 LIA
Yosef Do Nɔviawo Kpɔ
Aleke wòawɔ anya nenye be wotrɔ agbenɔnɔ tso esime wodzrae kluvii?
ŊUTINYA 25 LIA
Ƒome La Ʋu Yi Egipte
Nu ka tae woyɔa Yakob ƒe ƒomea me tɔwo be Israel-viwo, ke menye Yakob-viwo o?
ŊUTINYA 26 LIA
Hiob Wɔ Nuteƒe Na Mawu
Hiob ƒe nunɔamesiwo dome gblẽ, edze dɔ vevie eye viawo katã ku. Mawue nɔ to hem nɛa?
ŊUTINYA 27 LIA
Fia Vɔ̃ɖi Aɖe Ðu Egipte Dzi
Nu ka tae wòde se na eƒe amewo be woawu ŋutsuvi siwo katã woadzi na Israel-viwo?
ŊUTINYA 28 LIA
Ale Si Woɖe Mose Vidzĩ Lae
Togbɔ be wode se be woawu ŋutsuvi siwo wodzi na Israel-viwo hã la, dadaa to mɔ aɖe dzi kpɔ eta.
ŊUTINYA 29 LIA
Nu Si Tae Mose Si Dzo
Esi Mose xɔ ƒe 40 la, esusui be yesu te aɖe Israel-viwo tso kluvinyenye me, evɔ mesu te hafi o.
ŊUTINYA 30 LIA
Ave Bidzo La
Mawu wɔ nukunu vovovowo Mose kpɔ, eye wògblɔ na Mose be ɣeyiɣia de be wòayi aɖakplɔ Israel-viwo adzoe le Egipte.
ŊUTINYA 31 LIA
Mose Kple Aron Yi Farao Gbɔ
Nu ka tae Farao meɖo to Mose ale be wòaɖe asi le Israel-viwo ŋu o?
ŊUTINYA 32 LIA
Fukpekpe 10 La
Mawu he fuwuame 10 va Egiptetɔwo dzi le esi Egipte fia Farao sẽ dzi me hegbe be yemaɖe asi le Israel-viwo ŋu o ta.
ŊUTINYA 33 LIA
Ƒudzĩ La Tsotso
Mose ma Ƒudzĩa le Mawu ƒe ŋusẽ me eye Israel-viwo tsoe le anyigba ƒuƒui dzi.
