Lododowo 2:1-22
2 Vinye, ne èxɔ nye nuƒoƒo wɔ tɔwòe,Eye nèdzra nye sededewo ɖo+ abe kesinɔnu ene,
2 Ne èƒu to anyi ɖe nunya ŋu,+Eye nèbi wò dzi ɖe nugɔmesese ŋu;+
3 Ɛ̃, ne èdo ɣli yɔ gɔmesese,+Eye nèkɔ wò gbe dzi ɖe nugɔmesese ŋu;+
4 Ne èdinɛ abe klosalo ene,+Eye nèdia eyome mɔ abe kesinɔnu ɣaɣla+ ene la,
5 Ekema àse Yehowa vɔvɔ̃+ gɔme,Eye wò asi atu sidzedze Mawu.+
6 Elabena Yehowae naa nunya;+Eƒe nu mee sidzedze kple nugɔmesese dzɔ tso.
7 Edzraa nunya vavãtɔ ɖo ɖi na nu dzɔdzɔe wɔlawo;Akpoxɔnu wònye na ame siwo ƒe zɔzɔme ŋu fɔɖiɖi mele o,+
8 Elabena ekpɔa egbɔ be nya dzɔdzɔe to eƒe mɔ,Eye wòdzɔa ame siwo wɔa nuteƒe+ nɛ la ƒe toƒe ŋu.
9 Ekema àse nu si le dzɔdzɔe, nu si sɔ, kple nu si le eteƒe gɔme,Ɛ̃, àse mɔ nyuiwo katã gɔme.+
10 Ne nunya ge ɖe wò dzi me,+Eye sidzedze vivi wò luʋɔ nu la,+
11 Ekema tamebubuŋutete adzɔ ŋuwò,+Eye nugɔmesese akpɔ tawò,
12 Ne wòaɖe wò tso mɔ vɔ̃ dzi,Tso ame si gblɔa nya tovo la si me,+
13 Tso ame siwo gblẽa mɔ dzɔdzɔe ɖiBe woazɔ blukɔ+ me la si me,
14 Tso ame siwo kpɔa dzidzɔ ɖe vɔ̃wɔwɔ ŋu,Eye wotsoa aseye ɖe nu tovo siwo gbɔ eme ŋu la si me,
15 Wo, ame siwo ƒe toƒe le gɔdɔ̃gɔdɔ̃,Eye woƒe nuwɔnawo katã nye amefuflu sɔŋ.
16 Aɖe wò tso nyɔnu dzeha* si me,Tso nyɔnu ahasitɔ*+ aɖeŋanɛtɔ* si me;
17 Eya, ame si gblẽ eƒe ɖetugbuimexɔlɔ̃ vevi* ɖi,+Eye wòŋlɔ nubabla si le eya kple eƒe Mawu dome la be;
18 Elabena eƒe aƒe kplɔa ame yia ku me,Eye eƒe toƒewo* ɖo ta aʋlimeyila siwo ŋu wɔna vɔ le la gbɔ.+
19 Ame siwo katã dɔna kplii* la dometɔ aɖeke magatrɔ agbɔ looAlo agatrɔ ava agbemɔ la dzi o.+
20 Eya ta to ame nyuiwo ƒe toƒe,Eye nànɔ ame dzɔdzɔewo ƒe mɔ dzi,+
21 Elabena ame dzɔdzɔewo koe anɔ anyigba la dzi,Eye ame maɖifɔwoe* asusɔ ɖe edzi.+
22 Ke woatsrɔ̃ ame vɔ̃ɖiwo ɖa le anyigba la dzi,+Eye woaho ame maɖianukwarewo ɖa le edzi.+
Etenuŋɔŋlɔ
^ Alo, “nyɔnu tutɔ.” Edze ƒãa be enye ame si gbe Mawu to agbe maɖɔʋu nɔnɔ me.
^ Egɔmeɖeɖe tẽe, “dutanyɔnu.” Edze ƒãa be enye ame si te ɖa tso Mawu gbɔ to agbe maɖɔʋu nɔnɔ me.
^ Alo, “amenublela.”
^ Alo, “ɖetugbuimesrɔ̃.”
^ Egɔmeɖeɖe tẽe, “mɔwo.”
^ Egɔmeɖeɖe tẽe, “dea egbɔ.”
^ Alo, “ame siwo wɔa nuteƒe.”
