Lododowo 20:1-30
20 Fewuɖulae wain nye, + eye aha muame medzea akɔ anyi o; +Ame sia ame si wokplɔ trae la, menyaa nu o.+
2 Ŋɔdzi si le fia ŋu la le abe dzata* ƒe gbetete ene;+Ame si le dziku dom nɛ la dea eya ŋutɔ ƒe agbe afɔku me.+
3 Bubu wònye na ame be wòaƒo asa na dzre,+Ke bometsila ɖe sia ɖe ƒoa eɖokui ɖe eme.+
4 Kuviatɔ medea agble le vuvɔŋɔli o,Eya ta abia nu le nuŋeɣi, esi naneke mele esi o ta.*+
5 Ame ƒe dzimesusu* le abe tɔ goglo ene,Ke nugɔmesela dunɛ.
6 Ame geɖewo gblɔna be yewoƒe lɔlɔ̃ nu metsina o,Ke afi kae woakpɔ nuteƒewɔla le?
7 Ame dzɔdzɔe zɔna le eƒe fɔmaɖimaɖi me.+
Dzidzɔtɔwoe emegbeviwo* anye.+
8 Ne fia bɔbɔ nɔ ʋɔnudrɔ̃zikpui dzi la,+Eƒe ŋkuwo dea vovo vɔ̃ɖinyenye ɖe sia ɖe ƒomevi me.+
9 Ame kae ate ŋu agblɔ be: “Mena nye dzi ŋu dza;+Ŋunye kɔ tso nye nu vɔ̃ me”?+
10 Nudakpe amebatɔ kple nudzidzenu ameflutɔ la,*Ŋunyɔ wo kple evea siaa nye na Yehowa.+
11 Ðevi* sue gɔ̃ hã ƒe nuwɔnawoe wotsɔna dzea siiBe eƒe agbenɔnɔ dza eye wòsɔ.+
12 To senu kple ŋku kpɔnu la,Yehowae wɔ wo kple evea siaa.+
13 Mègana alɔ̃ tsu dɔdɔ navivi nuwò ne nàda ahe o.+
Nɔ ŋu, ekema àkpɔ abolo aɖu aɖi ƒo.+
14 Nuƒlela be: “Nua menyo o, nua menyo o!”Ke ne edzo la, eva nɔa eɖokui kafum.+
15 Sika li, eye adzagba* geɖewo hã li,Ke aɖe si dzi sidzedze le la, nu xɔasie wònye.+
16 Xɔ ame si da megbe na ame tutɔ la ƒe awu le esi;+Eye ne dutanyɔnue* wòda megbe na la, ekema xɔ awɔbanu le esi.+
17 Abolo si wokpɔ to amefuflu dzi la vivia ame nu,Ke emegbe kpekui koe ayɔ nu me na amea.+
18 Adaŋudede nana ɖoɖowo dzea edzi,*+Eye tsɔ mɔfiame nyuitɔ wɔ wò aʋae.+
19 Ameŋugblẽla nɔa tsatsam nɔa go ʋum nya ɣaɣla;+Mègade ha kple ame si lɔ̃a ameŋunyagbɔgblɔ o.*
20 Ame sia ame si doa ɖiŋu na fofoa kple dadaa la,Eƒe akaɖi atsi le viviti tsiɖitsiɖi me.+
21 Domenyinu si wokpɔ to ŋukeklẽ dzi le gɔmedzedzea la,Yayra manɔ eme le nuwuwua o.+
22 Mègagblɔ be, “Maɖo vɔ̃ teƒe kokoko!” o.+
Kpɔ mɔ na Yehowa,+ ekema aɖe wò.+
23 Nudakpe amebatɔ* nye ŋunyɔ na Yehowa,Eye nudanu ameflutɔ hã menyo o.
24 Yehowae fiaa afɔɖoƒe ame.+Ke aleke ame awɔ ase eya ŋutɔ ƒe mɔ gɔme?*
25 Mɔ̃ wònye na amegbetɔ ne etsɔ dzitsitsi gblɔ be, “Nu kɔkɔe wònye!”+
Eye emegbe hafi wòayi adzɔgbe si wòɖe la ŋu bu ge.+
26 Fia nyanu gbɔa ame vɔ̃ɖiwo abe lu ene,+Eye wòhea luƒotasiaɖam toa wo dzi.+
27 Yehowa ƒe akaɖie amegbetɔ ƒe gbɔgbɔ nye,Edzroa ame ƒe ememe ke kpɔna.
28 Lɔlɔ̃ vavã kple nuteƒewɔwɔe kpɔa fia ta;+Eye lɔlɔ̃ vavãe wòtsɔna léa eƒe fiazikpui ɖe te.+
29 Ðekakpuiwo ƒe atsyɔ̃e nye woƒe ŋusẽ,+Eye amegãɖeɖiwo ƒe bubue nye woƒe ta ƒowɔ.+
30 Dodro kple abi floa* vɔ̃ ɖa le ame ŋu,+Eye ƒoƒo klɔa ame ƒe ememe ke.
Etenuŋɔŋlɔ
^ Alo, “dzatatsui.”
^ Agate ŋu afia, “Adi nu le nuŋeɣi gake makpɔ ɖeke o.”
^ Alo, “tameɖoɖo.” Egɔmeɖeɖe tẽe, “adaŋudede.”
^ Egɔmeɖeɖe tẽe, “viaŋutsuwo.”
^ Alo, “Nudakpe eve ƒomevi kple nudzidzenu eve ƒomevi la.”
^ Alo, “Ŋutsuvi.”
^ Kpɔ Nya Tɔxɛwo Gɔmeɖeƒea.
^ Alo, “amedzro.”
^ Alo, “ɖoɖowo lia ke.”
^ Alo, “ame si ƒe nu menɔa anyi kpoo o.”
^ Alo, “Nudakpe eve ƒomevi.”
^ Alo, “adze si eƒe mɔ?”
^ Alo, “ƒlɔa.”
