Nahum 3:1-19
3 Baba na du si kɔa ʋu ɖi la.
Amebeble kple adzodada yɔe fũu.
Nuléle mevɔna le eme gbeɖe o!
2 Sɔƒokawo ŋkɔ le ɖiɖim, tasiaɖamfɔwo ƒe hoowɔwɔ le ɖiɖim,Sɔwo tsɔ du, eye tasiaɖamwo le du dzi.
3 Sɔdolawo de sɔ dzi, yiwo le dzo dam, akplɔwo le dzo sim,Aʋatsilawo sɔ gbɔ eteƒe mekɔ o, eye ame kukuwo li kɔ ɖi gleglegle,Seƒe meli na ame kukuwo o.
Wole ame kukuwo klim.
4 Esia dzɔ le gbolo la ƒe gbolowɔwɔ vivivo ta,Eya si nye nyɔnu dzetugbe si blea ame nu, eye wònye dzosala bibi,Eya ame si tsɔa eƒe gbolowɔwɔ trea mɔ̃ na dukɔwo, eye wòtsɔa eƒe dzosasa trea mɔ̃ na ƒomewo.
5 Aʋakɔwo ƒe Yehowa be, “Kpɔ ɖa! Metso ɖe ŋuwò,*+Maklo avɔ le ŋuwò akɔ ɖe mo na wò,Mana dukɔwo nakpɔ wò ama,Eye fiaɖuƒewo nakpɔ wò ŋukpeƒe.
6 Malɔ gbeɖuɖɔ akɔ ɖe ŋuwò,Eye maɖi gbɔ wò;Mana nàzu nukpɔkpɔ.+
7 Ame sia ame si akpɔ wò la asi le gbɔwò+ agblɔ be:‘Wogbã Niniwe!
Ame kae afa nɛ?’
Afi kae makpɔ akɔfalawo le na wò?
8 Wòe nyo wu No-Amon,*+ si bɔbɔ nɔ Nil-tɔʋuwo toa?+
Tsi ƒo xlãe godoo;Atsiaƒue nye eƒe kesinɔnu, eye atsiaƒue nye gli nɔ eŋu.
9 Etiopia kple Egipte nye eƒe ŋusẽ triakɔ, si teƒe mekɔ o.
Put+ kple Libiatɔwoe xɔna nɛ.+
10 Ke hã woɖe aboyoe;Eyi aboyo me.+
Wotsɔ viawo hã xlã ɖe nu le kpɔdomeewo ƒe dzogoewo katã dzi.
Wodzidze nu ɖe eƒe bubumewo dzi,Eye wode kunyowu eƒe amegãwo katã.
11 Wò hã àmu aha;+Àyi aɖabe.
Eye àdi sitsoƒe tso futɔ la nu.
12 Wò nɔƒe sesẽwo katã le abe gboti siwo dzi kutsetse ɖiɖi gbãtɔwo le ene;Ne woʋuʋu wo la, woage ɖe eɖula ƒe nu me.
13 Kpɔ ɖa! Wò aʋakɔwo le abe nyɔnuwo ene le dowòme.
Wò anyigba ƒe agbowo aʋu gbadzaa na wò futɔwo.
Dzo afiã wò agbowo ƒe gametiwo.
14 Du tsi kɔ ɖi, elabena wole to ɖe ge ɖe wò!+
Na wò nɔƒe sesẽwo nagasẽ ɖe edzi.
Ge ɖe agbi me nànya anyi;Na kpetsonu nasɔ gbe.
15 Le afi ma gɔ̃ hã la, dzo afiã wò,Yi atsrɔ̃ wò.+
Aɖu wò abe ale si ʋetrawo ɖua nui ene.+
Ƒo wò amewo nu ƒu miasɔ gbɔ kpaŋkpaŋ abe ʋetrawo ene!
Ɛ̃, ƒo wò amewo nu ƒu miasɔ gbɔ kpaŋkpaŋ abe ʋetsuviwo ene!
16 Èna wò asitsalawo sɔ gbɔ wu dziƒoɣletiviwo.
Ke ʋetrawo ɖea tsro hedzona dzona.
17 Ŋuwòdzɔlawo le abe ʋetsuvi ene,Eye wò asrafomegãwo le abe ʋetsuviwo ƒe ha ene.
Wodze ɖe glikpɔwo ŋu le gbe si gbe vuvɔ le wɔwɔm.
Gake ne ɣe dze ko la, wodzona dzona;Eye ame aɖeke menyaa afi si wole o.
18 Oo Asiria-fia, wò lãkplɔviwo le akɔlɔ̃e dɔm;Wò bubumewo tsi wo nɔƒewo.
Woka wò amewo hlẽ ɖe towo dzi,Eye ame aɖeke meƒo wo nu ƒu o.+
19 Màkpɔ gbɔdzɔe aɖeke le wò fuwɔame la me o.
Abi si nèxɔ la maku gbeɖe o.
Ame siwo ase nya le ŋuwò la asi akpe ɖe tawò;+Elabena ame ka ŋue wò vɔ̃wɔwɔ atraɖii la megblẽ nu le o?”+
