Psalmowo 24:1-10
-
Ŋutikɔkɔefia la ge ɖe eme
-
‘Yehowa tɔe nye anyigba la’ (1)
-
David ƒe ha.
24 Yehowa tɔe nye anyigba la kple edzinuwo katã,+Xexe blibo la kple emenɔlawo katã.
2 Elabena eɖo egɔme anyi ɖe atsiaƒuwo dzi+Eye wòlii anyi sesĩe ɖe tɔsisiwo dzi.
3 Ame kae alia Yehowa ƒe to la,+Eye ame kae atsi tsitre ɖe eƒe kɔkɔeƒe la?
4 Ame si ƒe asi me dza, eye eƒe dzi me kɔ,+Ame si meyɔa Nye Agbe* tsɔ taa nu dzodzro o,Eye mekaa alakpatam o.+
5 Eya axɔ yayra tso Yehowa gbɔ,+Kple dzɔdzɔenyenye tso eƒe xɔname Mawu la gbɔ.*+
6 Esiae nye dzidzime si biaa eta sena,Ame siwo dia wò ŋkume, Oo Yakob ƒe Mawu. (Sela)
7 Oo, mi agbowo, mikɔ ta dzi;+Mi blemaʋɔtruwo, miʋu,*Ne Ŋutikɔkɔefia la nage ɖe eme!+
8 Ame kae nye Ŋutikɔkɔefia sia?
Yehowa, ŋusẽtɔ kple kalẽtɔ lae,+Yehowa, aʋakalẽtɔ lae.+
9 Oo, mi agbowo, mikɔ ta dzi;+Mi blemaʋɔtruwo, miʋu,Ne Ŋutikɔkɔefia la nage ɖe eme!
10 Ame ka gɔ̃e Ŋutikɔkɔefia sia nye?
Aʋakɔwo ƒe Yehowa lae—eyae nye Ŋutikɔkɔefia la.+ (Sela)
Etenuŋɔŋlɔ
^ Alo, “Nye luʋɔ,” si fia Yehowa ƒe agbe si wotsɔ ta nu.
^ Alo, “Eye eƒe xɔname Mawu la atso afia nɛ.”
^ Alo, “mikɔ mia ɖokui dzi.”
