Psalmowo 29:1-11
David ƒe ha.
29 Mi ŋusẽtɔwo,* mitsɔ nu si Yehowa dze na la nɛ,Mitsɔ nu si Yehowa dze na la nɛ le eƒe ŋutikɔkɔe kple ŋusẽ ta.+
2 Mitsɔ bubu si dze na Yehowa ƒe ŋkɔ la nɛ.
Mide ta agu ɖe Yehowa ŋkume le atsyɔ̃ɖoɖo kɔkɔe me.*
3 Yehowa ƒe gbe ɖi le tsiwo dzi;Ŋutikɔkɔe Mawu la ɖe gbe.+
Yehowa le tsi geɖewo tame.+
4 Ŋusẽ le Yehowa ƒe gbe ŋu;+Ŋutikɔkɔe le Yehowa ƒe gbe ŋu.
5 Yehowa ƒe gbe ŋea sedertiwo;Ɛ̃, Yehowa ŋea Lebanon ƒe sedertiwo wluiwluiwlui,+
6 Enana Lebanon* tia kpo abe nyivi ene,Eye Sirion+ tia kpo abe gbenyivi ene.
7 Yehowa ƒe gbe kea dzo mia;+
8 Yehowa ƒe gbe na gbedzi ʋuʋu;+Yehowa na Kades+ gbedzi ʋuʋu.
9 Yehowa ƒe gbe nana zinɔwo léa ku dzia viEye wònana avewo lũa xe.+
Ame siwo katã le eƒe gbedoxɔ me le gbɔgblɔm be: “Ŋutikɔkɔe na Mawu!”
10 Yehowa bɔbɔ nɔ eƒe fiazi dzi le tsiɖɔɖɔwo* dzi;+Yehowa bɔbɔ nɔ anyi abe Fia ene tegbee.+
11 Yehowa ana ŋusẽ eƒe dukɔ la.+
Yehowa atsɔ ŋutifafa ayra eƒe dukɔ la.+
Etenuŋɔŋlɔ
^ Alo, “ŋusẽtɔwo ƒe viwo.”
^ Agate ŋu afia, “le eƒe ŋutikɔkɔe ƒe atsyɔ̃ la ta.”
^ Edze ƒãa be Lebanon togbaka wowɔnɛ.
^ Alo, “dziƒotsiaƒuwo.”
