Psalmowo 32:1-11
David ƒe ha. Maskil.*
32 Dzidzɔtɔe nye ame si ƒe dzidada wotsɔ ke, ame si ƒe nu vɔ̃ dzi wotsyɔ nui.*+
2 Dzidzɔtɔe nye ame si Yehowa mebua vodada na o,+Ame si me beble aɖeke mele o.
3 Esi mezi ɖoɖoe la, nye ŋeŋe atraɖii ŋkeke bliboa na nye ƒuwo nyunyɔ.+
4 Elabena wò asi sẽ ɖe dzinye*+ zã kple keli.
Ŋusẽ vɔ le menye keŋ* abe ale si dzomeŋɔli ƒe dzoxɔxɔ gbãgbãgbã noa tsii ene. (Sela)
5 Meʋu nye nu vɔ̃ me na wò mlɔeba;Nyemetsyɔ nu nye vodada dzi o.+
Megblɔ be: “Maʋu nye dzidadawo me na Yehowa.”+
Eye nètsɔ nye nu vɔ̃wo ŋuti fɔɖiɖi kem.+ (Sela)
6 Esia ta nuteƒewɔlawo katã ado gbe ɖa na wò,+Zi ale si woate ŋu akpɔ wò ko.+
Ekema tsiɖɔɖɔwo gɔ̃ hã made wo gbɔ o.
7 Bebeƒe nènye nam;Àkpɔ tanye tso xaxa me.+
Àtsɔ ɖeɖe ƒe aseyetsotso aƒo xlãm.+ (Sela)
8 “Mana gɔmesese deto nasu asiwò, eye mafia mɔ si nàto la wò.+
Nye ŋku anɔ ŋuwò eye maɖo aɖaŋu na wò.+
9 Miganɔ abe sɔ alo tedzisɔ si nunya mele tagbɔ na o,+Si wòle be woatsɔ ka kple numega amla,Hafi wòate ɖe ame ŋu la ene o.”
10 Ame vɔ̃ɖi ƒe vevesesewo sɔa gbɔ;Ke ame si ɖoa ŋu ɖe Yehowa ŋu ya la, eƒe amenuveve ƒoa xlãe.+
11 Mi ame dzɔdzɔewo, mikpɔ dzidzɔ ɖe Yehowa ŋu eye mitso aseye;Mi dzi dzɔdzɔe tɔwo katã, migli kple dzidzɔ.
Etenuŋɔŋlɔ
^ Kpɔ Nya Tɔxɛwo Gɔmeɖeƒea.
^ Alo, “ame si ƒe nu vɔ̃ wotsɔ ke.”
^ Alo, “Mèkpɔ ŋudzedze ɖe ŋunye o.”
^ Alo, “Nye lãmetsi no.”
