Psalmowo 65:1-13
Na henɔ la. David ƒe ha. Hadzidzi.
65 Oo Mawu, kafukafu le lalawòm le Zion;+Wòe míaxe míaƒe adzɔgbeɖefe na.+
2 Oo Gbedodoɖasela, gbɔwòe ame ƒomeviwo* katã ava.+
3 Nye vodadawo kpe wum,+Gake ètsyɔ nu míaƒe dzidadawo dzi.+
4 Dzidzɔtɔe nye ame si nètia eye nèhee vɛBe wòanɔ wò xɔxɔnuwo.+
Wò aƒemenu nyuiwo aɖi ƒo na mí,+Wò gbedoxɔ kɔkɔe+ la me nuwo aɖi ƒo na mí.
5 Àto wò nukudɔ+ dzɔdzɔewo dzi atɔ na mí,Oo Mawu, míaƒe xɔnametɔ;Wòe nye ame siwo le anyigba ƒe mlɔenuwo ke,+Kple ame siwo le ƒugodo le didiƒe ʋĩi ke la, ƒe Ŋuɖoɖeŋu.
6 Ètsɔ wò ŋusẽ li ke towo sesĩe;Èta wò ŋusẽ gã la abe avɔ ene.+
7 Ètsia atsiaƒuwo ƒe agbodzedze nu,+Ètsia ƒutsotsoewo ƒe nyanyra kple dukɔwo ƒe ʋunyaʋunyawɔwɔ nu.+
8 Dzidzi aƒo ame siwo le didiƒe ʋĩi le wò dzesiwo ta;+Àna aseyetsotso naɖi le amewo nu tso afi si ɣe dzena tsona yi afi si wòɖoa to lena.
9 Èléa be na anyigba la,Ènana wòwɔa nu* eye wònyoa nu ale gbegbe.+
Tsi yɔ Mawu ƒe tɔʋuwo taŋ;Èna agblemenuku sɔ gbɔ na amewo,+Elabena alea nèdzra anyigba la ɖoe.
10 Wòe dea tsi kpowo dome nyuie le agblewo me, eye nègbã kpoteƒewo wozu sɔsɔe;Èna tsi dza ɖe edzi wòbɔbɔ; èyra eƒe nu miemiewo.+
11 Ètsɔ wò nyuiwɔwɔ ɖo atsyɔ̃e na ƒe la;Eye nu nyuiwo gbagba ɖe wò toƒewo.*+
12 Lãnyiƒe siwo le gbegbe la yɔ gbagba,*+Eye aseyetsotso xɔ togbɛwo dzi keŋ.+
13 Alẽhawo yɔ lãnyiƒewo kpaŋ,Eye agblemenuku yɔ baliwo me fũu.+
Wole aseye tsom, ɛ̃, wole ha dzim.+
Etenuŋɔŋlɔ
^ Egɔmeɖeɖe tẽe, “ŋutilãwo.”
^ Egɔmeɖeɖe tẽe, “Ènana nuwo doa agbogbo ɖe edzi.”
^ Egɔmeɖeɖe tẽe, “wò afɔtoƒewo le ami dzim.”
^ Egɔmeɖeɖe tẽe, “le ami tsyɔm.”
