Yeremiya 24:1-10
-
Gbotsetse nyuiwo kple gbotsetse gbegblẽwo (1-10)
24 Esi Babilon-fia Nebukadnezar* ɖe aboyo Yuda-fia Yekoniya,*+ si nye Yehoyakim+ vi kple Yuda-megãwo, aɖaŋudɔwɔlawo kpakple gbedewo* tso Yerusalem yi Babilon megbe la, Yehowa na mekpɔ gbotsetse kusi eve siwo wotsɔ da ɖe Yehowa ƒe gbedoxɔa ŋgɔ.+
2 Gbotsetse nyuiwo le kusi ɖeka me, abe gbotsetse ŋgɔgbeawo ene; ke gbotsetse siwo le kusi evelia me ya gblẽ ŋutɔ, wogblẽ ale gbegbe be womele ɖuɖu me o.
3 Eye Yehowa biam be: “Yeremiya, nu ka kpɔm nèle?” Meɖo eŋu be: “Gbotsetsewoe; gbotsetse nyuitɔawo nyo ŋutɔ, gake gbegblẽawo gblẽ ale gbegbe be womele ɖuɖu me o.”+
4 Eye Yehowa ƒe gbe va nam be:
5 “Ale Yehowa, Israel ƒe Mawu la, gblɔe nye esi: ‘Ale si gbotsetse nyui siawo le la, nenemae mabu Yuda ƒe aboyome siwo menya le teƒe sia ɖo ɖe Kaldeatɔwo ƒe anyigba dzi lae.
6 Nye ŋku anɔ wo ŋu hena woƒe nyonyo, eye mana woagbugbɔ ava anyigba sia dzi.+ Matu wo, eye nyemagbã wo o, mado wo, eye nyemaho wo o.+
7 Mana dzi wo, ne woatsɔ adze sim be nyee nye Yehowa.+ Woanye nye dukɔ, eye manye woƒe Mawu,+ elabena woatrɔ ɖe ŋunye kple woƒe dzi blibo.+
8 “‘Ale Yehowa gblɔ le gbotsetse gbegblẽ siwo gblẽ ale gbegbe be womele ɖuɖu me o+ la ŋue nye esi: “Nenemae mabu Yuda-fia Zedekiya,+ eƒe amegãwo kple Yerusalem ƒe ame susɔe siwo kpɔtɔ ɖe anyigba sia dzi kple ame siwo le Egipte-nyigba dzi lae.+
9 Mana vɔ̃ gã aɖe nadzɔ ɖe wo dzi eye woazu ŋɔdzinu na anyigbadzifiaɖuƒewo+ katã, woazu vlodonu kple lodonu, alɔmeɖenu kple ɖiŋudonu+ le teƒe siwo katã maka wo ahlẽ ɖo.+
10 Maɖo yi,+ dɔwuame kple dɔvɔ̃*+ ɖe wo ŋu, va se ɖe esime woatsrɔ̃ avɔ le anyigba si metsɔ na woawo kple wo tɔgbuiwo la dzi.”’”
Etenuŋɔŋlɔ
^ Egɔmeɖeɖe tẽe, “Nebukadrezar,” esia nye ŋkɔ Nebukadnezar ŋɔŋlɔ bubui.
^ Wogayɔnɛ be Yehoyakin alo Koniya.
^ Agate ŋu afia, “takpɔgliɖolawo.”
^ Alo, “dɔléle.”
