Yeremiya 51:1-64
51 Ale Yehowa gblɔe nye esi:
“Kpɔ ɖa, mana ya gblẽnu aɖe naƒoTo Babilon+ kple Leb-Kamai* nɔlawo dzi.
2 Madɔ nugbɔlawo ɖe BabilonNe woagbɔe, eye woaɖi gbɔlo eƒe anyigba;Woatso goawo katã me aho ɖe eŋu le gbegblẽ ƒe ŋkeke la dzi.+
3 Aŋutrɔdala megavu da me o.
Eye ame aɖeke meganɔ eƒe gawu me atso o.
Migakpɔ nublanui na eƒe ɖekakpuiwo o.+
Mitsrɔ̃ eƒe aʋakɔ blibo la katã.
4 Woadze anyi aku ɖe Kaldea-nyigba dzi,Woxɔ abi vevie le eƒe kpɔdomeewo.+
5 Elabena Israel kple Yuda ƒe Mawu, aʋakɔwo ƒe Yehowa, megblẽ wo ɖi wonye ahosi o.+
Gake Israel ƒe Kɔkɔetɔ la kpɔe be fɔɖiɖi yɔ woƒe anyigba* dzi taŋ.
6 “Misi dzo le Babilon,Eye ame sia ame neɖe eƒe agbe.*+
Migatsrɔ̃ le eƒe vodada ta o.
Elabena Yehowa ƒe ɣeyiɣi de be wòabia hlɔ̃e.
Ele eƒe nuwɔna teƒe ɖom nɛ.+
7 Babilon nye sikakplu le Yehowa si me;Ena anyigba blibo la mu aha.
Dukɔwo no eƒe wain la mu;+Esia tae dukɔwo dze aɖaʋa ɖo.+
8 Zi ɖeka kasia Babilon mu dze anyi hegbã.+
Mifa avi vevie ɖe eŋu!+
Mitsɔ balsam-mi vɛ hena eƒe veveseseawo; ɖewohĩ ahaya.”
9 “Míedze agbagba be míada gbe le Babilon ŋu, ke hayahaya mele eŋu o.
Miɖe asi le eŋu, eye mina mía dometɔ ɖe sia ɖe nadzo yi wo de.+
Elabena eƒe ʋɔnudɔdrɔ̃ de keke dziƒowo ke,Eye wòyi ɖatɔ alilikpowo.+
10 Yehowa tso afia na mí.+
Miva míaɖe gbeƒã Yehowa mía Mawu ƒe dɔwo le Zion.”+
11 “Minyre aŋutrɔwo;+ mitsɔ akpoxɔnu kotoowo.*
Yehowa nyɔ Media-fiawo ƒe gbɔgbɔ,+Elabena eɖo tame be yeatsrɔ̃ Babilon.
Elabena Yehowa ƒe hlɔ̃biabiae, hlɔ̃biabia ɖe eƒe gbedoxɔ nue.
12 Mido dzesiti+ ɖe dzi ɖe Babilon ƒe gliwo ŋu.
Mina dzɔlawo nasɔ gbɔ ɖe edzi, miɖo dzɔlawo wo nɔƒewo.
Midzra xadelawo ɖo.
Elabena Yehowa ɖo tame,Eye awɔ nu si wògblɔ ɖe Babilon nɔlawo ŋu ade goe.”+
13 “Oo nyɔnu si bɔbɔ nɔ tsi geɖewo dzi,+Eye kesinɔnuwo bɔ ɖe asiwò,+Wò nuwuwu ɖo azɔ, eye wò viɖekpɔkpɔ ƒe seƒe ɖo.+
14 Aʋakɔwo ƒe Yehowa tà eɖokui* be:‘Matsɔ amewo ayɔ mewò taŋ, abe ʋetsuviwo ene,Eye woƒe aʋadziɖuɣli aɖi ɖe ŋuwò.’+
15 Eyae nye Ame si tsɔ eƒe ŋusẽ wɔ anyigba,Ame si tsɔ eƒe nunya ɖo anyigba wɔnu la gɔme anyi,+Kple Ame si tsɔ eƒe gɔmesese keke dziƒowo me.+
16 Ne eɖe gbe la,Tsiwo dzea agbo le dziƒowo,Eye wònana alilikpowo* tsoa anyigba ƒe mlɔenuwo yia dzi.
Ewɔ dzikedzo na tsidzadza,*Eye wòkplɔa ya doa goe tso eƒe nudzraɖoƒewo.+
17 Amegbetɔwo katã wɔa movinu ale gbegbe be sidzedze bu ɖe wo.
Ŋukpe alé ganutulawo katã le woƒe legbawo ŋu;+Elabena aʋatsoe eƒe galegba* la nye,Eye gbɔgbɔ aɖeke mele wo me o.+
18 Tofloko+ kple dɔwɔwɔ si ŋu woaɖe alɔme le wonye.
Ne ɣeyiɣi de be woabia akɔnta wo la, wo nu ayi.
19 Yakob ƒe Gome mele abe nu siawo ene o,Elabena eyae nye nuwo katã mèla,Eya kee wɔ eƒe domenyinu ƒe atikplɔ.+
Eŋkɔe nye aʋakɔwo ƒe Yehowa.”+
20 “Aʋawɔkpò kple aʋawɔnue nènye nam,Elabena wòe matsɔ agbã dukɔwo,
Wòe matsɔ atsrɔ̃ fiaɖuƒewo.
21 Wòe matsɔ agbã sɔ kple edola.
Wòe matsɔ agbã aʋatasiaɖam kple edola.
22 Wòe matsɔ agbã ŋutsu kple nyɔnu.
Wòe matsɔ agbã ame tsitsi kple ɖevi.
Wòe matsɔ agbã ɖekakpui kple ɖetugbui.
23 Wòe matsɔ agbã lãkplɔvi kple eƒe lãha.
Wòe matsɔ agbã agbledela kple eƒe agbleŋlɔlãwo.
Wòe matsɔ agbã nutodziɖulawo kple dumegã kpeɖeŋutɔwo.
24 Maɖo Babilon kple Kaldea nɔlawo katã ƒe nu vɔ̃ɖi siwo wowɔLe Zion le mia ŋkume la teƒe na wo,”+ Yehowa ye gblɔe.
25 “Kpɔ ɖa, metso ɖe ŋuwò,+ wò to gblẽnu,Si gblẽ anyigba blibo la katã.+
Mado nye asi ɖa ɖe ŋuwò, màmli wò tso agakpewo dzi,Eye mana nàzu to fiafiã,” Yehowa ye gblɔe.
26 “Womagatsɔ wò kpe aɖeke awɔ dzogoedzikpe alo gɔmeɖokpe azɔ o,Elabena àzu gbegbe tegbee,”+ Yehowa ye gblɔe.
27 “Mido dzesiti ɖe dzi le anyigba la dzi.+
Miku lãdzo le dukɔwo dome.
Miɖo* dukɔwo ɖe eŋuti.
Miyɔ Ararat,+ Mini kple Askenaz-fiaɖuƒewo+ ɖe eŋu.
Miɖo amegã si xɔa asrafo yeyewo ɖe eŋu.
Mikplɔ sɔawo vɛ abe ʋetsuviwo ene.
28 Miɖo* dukɔwo ɖe eŋuti,Miɖo Media-fiawo,+ woƒe nutodziɖulawo kple dumegã kpeɖeŋutɔwo katãKpakple anyigba siwo katã dzi ɖum wole la ɖe eŋu.
29 Anyigba aʋuʋu, eye wòadzo nyanyanya,Elabena woawɔ tame si Yehowa ɖo ɖe Babilon ŋu la dziBe Babilon-nyigba la nazu ŋɔdzinu, eye ame aɖeke naganɔ edzi o.+
30 Babilon ƒe aʋawɔlawo dzudzɔ aʋawɔwɔ.
Wobɔbɔ nɔ woƒe mɔ́ sesẽwo me.
Ŋusẽ vɔ le wo ŋu.+
Wozu abe nyɔnuwo ene.+
Wotɔ dzo eƒe aƒewo.
Woŋe eƒe gametiwo.+
31 Duxɔla va do go duxɔla,Eye ame dɔdɔ va do go ame dɔdɔ,Ne woayi aɖagblɔ na Babilon-fia be woxɔ eƒe du la le goawo katã me,+
32 Woxɔ tɔtsoƒeawo,+Wotɔ dzo aƒlatɔdziʋuwo,Eye dzidzi ƒo aʋawɔlawo.”
33 Elabena ale aʋakɔwo ƒe Yehowa, Israel ƒe Mawu la, gblɔe nye esi:
“Babilon vinyɔnu la le abe nukuƒoƒe ene.
Ɣeyiɣi de be woatu afɔ edzi.
Esusɔ vie ko nuŋeɣi naɖo nɛ.”
34 Babilon-fia Nebukadnezar* vuvum keŋkeŋ;+Ena metɔtɔ.
Etsɔm wɔ go ƒuƒlui.
Emim abe da gã aɖe ene;+Etsɔ nye nu nyuiwo yɔ eƒe dɔgbo.
Ekpalam ƒu gbe.
35 Zion nɔla agblɔ be: ‘Ŋuta si wosẽ le ŋunye kple nye ŋutilã ŋu la neva Babilon ƒe ta dzi.’+
Yerusalem agblɔ be: ‘Nye ʋu nenɔ Kaldea nɔlawo ƒe ta dzi.’”
36 Eya ta ale Yehowa gblɔe nye esi:
“Kpɔ ɖa, maxɔ wò nya ɖe akɔ,+Eye mabia hlɔ̃ na wò.+
Mana eƒe atsiaƒu namie, eye mana eƒe vudowo namie.+
37 Babilon azu glikpo,+Agbotoewo nɔƒe,+Ŋɔdzinu kple nu si ŋu woalia aku ɖo,Eye ame aɖeke manɔ eme o.+
38 Wo katã woaɖe gbe abe dzatatsuiwo* ene.
Woate gbe abe dzataviwo ene.”
39 “Ne dzo ɖo lãme na wo la, maɖo kplɔ̃ na wo, eye mana woamu aha,Ne woatso aseye;+Ekema woadɔ alɔ̃ tegbetegbe,Eye womanyɔ akpɔ o,”+ Yehowa ye gblɔe.
40 “Makplɔ wo abe alẽviwo ene ayi lãwuƒee,Abe agbowo kple gbɔ̃wo ene.”
41 “Oo, aleke asi su Sesak* dzi ale,+Aleke woxɔ du si anyigba blibo la kafuna ale!+
Aleke Babilon zu ŋɔdzinu le dukɔwo dome ale!
42 Atsiaƒu ɖɔ gbagba ɖe Babilon dzi.
Eƒe tsotsoe gbogboawo nyè tsyɔ edzi.
43 Eƒe duwo zu ŋɔdzinu, wozu kuɖiɖinyigba kple gbegbe.
Wozu aƒedo, eye ame aɖeke mato afi ma ayi o.+
44 Matrɔ ɖe Bel+ ŋu le Babilon,Eye maɖe nu si wòmi la le eƒe nu me.+
Dukɔwo magaƒo zi ɖe eŋu azɔ o.Eye Babilon ƒe gli la amu.+
45 “Nye dukɔ, mido go le eme!+
Eye mia dometɔ ɖe sia ɖe neɖe eƒe agbe*+ tso Yehowa ƒe dɔmedzoe helĩhelĩ la nu!+
46 Migana nya si woase le anyigba la ŋu naɖe dzi le mia ƒo alo ana vɔvɔ̃ nalé mi o.
Miase nya ma le ƒe ɖeka me,Eye miagase nya bubu le ƒe si kplɔe ɖo me,Be ŋutasesẽ anɔ anyigba la dzi, eye be dziɖula atso ɖe dziɖula ŋu.
47 Eya ta kpɔ ɖa, ŋkekewo li gbɔna,Esime matrɔ ɖe Babilon ƒe legbawo ŋu.
Ŋu akpe eƒe anyigba blibo la,Eye eƒe ame siwo katã woawu la atsi dua me.+
48 Dziƒo kple anyigba kpakple wo me nuwo katãAtso aseye le Babilon ta,+Elabena nutsrɔ̃lawo atso dziehe ava ƒo ɖe edzi,”+ Yehowa ye gblɔe.
49 “Menye Israel ƒe amewo koe Babilon na wotsi aʋa o,+Ke boŋ anyigbadzitɔwo katã ƒe amewo hã tsi aʋa le Babilon.
50 Mi ame siwo si le yi nu, midzo, migatɔ o!+
Miɖo ŋku Yehowa dzi le adzɔge,Eye miaƒe susu nenɔ Yerusalem ŋu.”+
51 “Wodo ŋukpe mí, elabena míese vlodoame kple to.
Ŋukpe tsyɔ mo na mí,Elabena ame tutɔwo* ge ɖe Yehowa ƒe aƒe la ƒe kɔkɔeƒewo.”+
52 Yehowa be: “Eya ta kpɔ ɖa, ŋkekewo li gbɔna,Esime matrɔ ɖe eƒe legbawo ŋu,Eye ame siwo xɔ abi la anɔ ŋeŋem le eƒe anyigba blibo la dzi.”+
53 “Ne Babilon lia yi dziƒowo,+Eye wòli ke eƒe mɔ́ kɔkɔwo hã la,Nutsrɔ̃lawo atso gbɔnye ava ƒo ɖe edzi,”+ Yehowa ye gblɔe.
54 “Mise ɖa! Ɣli le ɖiɖim tso Babilon,+Tsɔtsrɔ̃ ƒe ɣli gã aɖe le ɖiɖim tso Kaldea-nyigba dzi,+
55 Elabena Yehowa le Babilon tsrɔ̃m,Atsi eƒe hoowɔwɔ gã la nu,Eye woƒe tsotsoewo adze agbo abe tsi geɖewo ene.
Woƒe gbe ade dzi woase.
56 Elabena nutsrɔ̃la la adze Babilon dzi;+Woalé eƒe aʋawɔlawo,+Woaŋe woƒe datiwo,Elabena teƒeɖoɖo ƒe Mawue Yehowa nye.+
Aɖo eteƒe godoo.+
57 Mana aha eƒe amegãwo kple eƒe nunyalawo,+Eƒe nutodziɖulawo kple eƒe dumegã kpeɖeŋutɔwo kpakple eƒe aʋawɔlawo woano amu,Woadɔ alɔ̃ tegbetegbe,Eye womanyɔ akpɔ o,”+ Fia si ŋkɔe nye aʋakɔwo ƒe Yehowa ye gblɔe.
58 Ale aʋakɔwo ƒe Yehowa gblɔe nye esi:
“Togbɔ be Babilon ƒe gli la keke hã la, woagbãe gudugudu,+Eye togbɔ be eƒe agbowo kɔ hã la, woatɔ dzo wo.
Amewo adagba ɖe yame;Eye dukɔwo aku kutri na dzo.”+
59 Esiae nye nya si nyagblɔɖila Yeremiya tsɔ de se na Seraya, Neriya+ vi, Mahseya vi, esime wònɔ Yuda-fia Zedekiya ŋu yina Babilon le eƒe fiaɖuɖu ƒe ƒe enelia me; Seraya nye dzeƒeŋuɖoɖowɔla.
60 Eye Yeremiya ŋlɔ vɔ̃ siwo katã le Babilon dzi va ge, nya siawo, siwo katã wòŋlɔ ɖe Babilon ŋu la, ɖe agbalẽ ɖeka me.
61 Eye Yeremiya gblɔ na Seraya be: “Ne èɖo Babilon, eye nèkpɔ dua ko la, ekema nàkɔ gbe dzi axlẽ nya siawo katã.
62 Eye nàgblɔ be: ‘Oo Yehowa, wòe gblɔ ɖe teƒe sia ŋu be, woatsrɔ̃e, ale be ame aɖeke maganɔ eme o, eɖanye amegbetɔ alo lã gɔ̃ hã o, ke boŋ be azu aƒedo tegbee.’+
63 Eye ne èxlẽ agbalẽ sia vɔ la, bla kpe ɖe eŋu nàtsɔe aƒu gbe ɖe Frat-tɔsisi la me.
64 Eye nàgblɔ be: ‘Aleae Babilon ayi to, eye magaho ɖe dzi akpɔ o+ le vɔ̃ si mahe ava edzi la ta; eye wɔna avɔ le wo ŋu.’”+
Yeremiya ƒe nyawo seƒee nye esi.
Etenuŋɔŋlɔ
^ Ðewohĩ Kaldea ƒe ŋkɔ ɣaɣlɛ ye.
^ Efia, Kaldea-nyigba.
^ Alo, “luʋɔ.”
^ Agate ŋu afia, “mide da daku me fũu.”
^ Alo, “eƒe luʋɔ.”
^ Alo, “afu.”
^ Agate ŋu afia, “Eɖea toƒe na tsidzadza.”
^ Egɔmeɖeɖe tẽe, “legba si wolólo ga kɔ̀.”
^ Egɔmeɖeɖe tẽe, “Mikɔ.”
^ Egɔmeɖeɖe tẽe, “Mikɔ.”
^ Egɔmeɖeɖe tẽe, “Nebukadrezar,” esia nye ŋkɔ Nebukadnezar ŋɔŋlɔ bubui.
^ Alo, “dzatatsui tokɔdza.”
^ Ðewohĩ Babel (Babilon) ƒe ŋkɔ ɣaɣlɛ ye.
^ Alo, “luʋɔ.”
^ Alo, “amedzrowo.”
