Mele Asi Trɔm Le Nɔnɔmea Ŋu
Wɔ Eƒe Kɔpi:
1. Meva de dzesii be
Ɣesiaɣi la,
Nye subɔsubɔdɔa
Toa mɔ ɖeka tɔgbi ɖaa.
Nu si’o mewɔna tsã ko wɔm megale.
Edze ƒãa be mawɔ’asitɔtrɔ
Be mawɔ geɖe wu.
(HAXE)
’Ya ta mel’asi trɔm le nɔnɔmea ŋu.
Meɖoe be mate mɔnu yeye’o kpɔ.
Yehowa, menya nu si mawɔ’azɔ.
Maɖo ŋu ɖe ŋuwò, eye matee kpɔ.
2. Ebia dzinɔameƒo.
’Ke mekpɔe be
Asitɔtrɔ siawo
Na dzo yeye ɖo menye.
Tɔtrɔ yeyeawo na mele dzidzɔ kpɔm.
Mɔnukpɔkpɔwo nɔ ʋuʋu ɖi
Gake nyemede dzesi’o.
(HAXE)
Medze tɔtrɔ wɔwɔ; ɛ̃, mele mɔa dzi.
Mele nu yeye’o tem kpɔ gbe sia gbe.
Yehowa, menya nu si mawɔ’azɔ.
Maɖo ŋu ɖe ŋuwò, eye matee kpɔ.
(DOMETSOHA)
Enɔ wɔwɔm nam gbã be
Tɔtrɔ siawo manya wɔ’o.
Ɛ̃, magblɔ be nyemenya
Nu si mawɔ o.
Gake fifia mekpɔe be
Nye dzinɔameƒo ɖe vi.
Nu nyui geɖe do tso’eme;
Yayra geɖe le ŋgɔ.
(HAXE)
Ɛ̃, mele nu yeye’o tem kpɔ gbe sia gbe.
Mele tɔtrɔm ɖe nɔnɔmeawo ŋu.
Yehowa, akpe be nèʋu nye ŋku.
Ɛ̃, meɖo ŋu ɖe ŋuwò; wòe kpe ɖe ŋunye.
(HAXE)
’Ya ta mel’asi trɔm le nɔnɔmea ŋu.
Meɖoe be mate mɔnu yeye’o kpɔ.
Yehowa, menya nu si mawɔ’azɔ.
Maɖo ŋu ɖe ŋuwò.
(HAXE)
Medze tɔtrɔ wɔwɔ; ɛ̃, mele mɔa dzi.
Mele nu yeye’o tem kpɔ gbe sia gbe.
Yehowa, menya nu si mawɔ’azɔ.
Maɖo ŋu ɖe ŋuwò, eye matee kpɔ.
Ɛ̃, matee kpɔ.
