HADZIDZI 31
Oo, Zɔ Kple Mawu!
(Mika 6:8)
-
1. Oo, zɔ kple Yehowa Mawu
Le ɖokuibɔbɔ gã me.
Wɔ nuteƒe nɛ, nàɖo ŋu ɖe ’ŋu,
’Kema ado ŋusẽ wò.
Lé eƒe Nya me ɖ’asi sesĩe
Be nàgatra mɔ o.
Ɛ̃, na Mawu nafia mɔ wò
Be nàwɔ nuteƒe ɖaa.
-
2. Oo, zɔ kple Yehowa Mawu
Le dzadzɛnyenye nyui me.
Ne tetekpɔwo va dziwò hã la,
Mawu ado ŋusẽ wò.
Nu si’o nye nyateƒe, le dzadzɛ,
Nu siawo ŋu nàbu,
Be Mawu nàlé wò ɖe te
Agbedu la nu nàwu.
-
3. Oo, zɔ kple Yehowa Mawu
Le dzidzɔ vavãtɔ me.
Da akpe nɛ ɖe eƒe yayrawo
Kple nunana nyuiawo ta.
Oo, zɔ kple Mawu nàdzi ha nɛ;
Kpɔ dzidzɔ gbe sia gbe!
Ɛ̃, na ’me sia ’me nakpɔe be
Yehowa xɔlɔ̃e nènye.
(Kpɔ 1 Mose 5:24; 6:9; Flp. 4:8; 1 Tim. 6:6-8 hã.)