NU XƆASI SIWO LE MAWU ƑE NYA LA ME | YESAYA 1-5
‘Mina Míayi Yehowa Ƒe To La Dzi’
|
“Le ŋkeke mamlɛawo me” |
Efia ɣeyiɣi siwo me míele fifia |
|
“Yehowa ƒe aƒe ƒe to la” |
Efia Yehowa ƒe subɔsubɔ dzadzɛ si ƒo ɖe sia ɖe ta |
|
“Dukɔwo katã aƒo zi ɖe eŋu” |
Efia be ame siwo le subɔsubɔ dzadzɛa me la wɔ ɖeka |
|
‘Mina míayi Yehowa ƒe to la dzi’ |
Efia be mawusubɔla vavãwo kpea ame bubuwo be woava subɔ kpli yewo |
|
“Afia eƒe mɔwo mí, eye míazɔ eƒe toƒewo” |
Efia be Yehowa toa eƒe Nyaa dzi fiaa nu mí eye wòkpena ɖe mía ŋu míezɔa eƒe toƒewo |
|
“Womagasrɔ̃ aʋawɔwɔ azɔ o” |
Yesaya ƒo nu tso ale si woatrɔ aʋawɔnuwo woazu agblenuwo ŋu, si fia be Yehowa ƒe amewo ati ŋutifafa yome. Nu kawoe nye agblenuwo le Yesaya ŋɔli? |
|
“Woatsɔ woƒe yiwo atu agblenuwoe” |
1 Dɔwɔnua ƒe akpa si wotsɔ dzoboa anyigba lae nye agblenua. Gakpo ye wotsɔ wɔ wo dometɔ aɖewo.—1Sa 13:20 |
|
“Woatsɔ woƒe akplɔwo atu hɛ gobɛwoe” |
2 Enye hɛ gobɛ si ŋu asiléƒe le. Wotsɔa dɔwɔnu siawo ɖea wainkawo ŋu.—Yes 18:5 |
