Paulo kple Sila dzi ha tsɔ kafu Yehowa esime wonɔ gaxɔ me. (Dw 16:25) Ðikeke mele eme o be ha ma si wodzi la, kpe ɖe wo ŋu wodo dzi. Ke aleke wòle le mía gome egbea? Ha siwo míedzina le míaƒe subɔsubɔ me kple ha bubu siwo wokpa la dea dzi ƒo na mí eye wokpena ɖe mía ŋu be míayi edzi awɔ nuteƒe le nɔnɔme sesẽwo me. Vevietɔ wue nye be ha siawo kafua Yehowa. (Ps 28:7) Wode dzi ƒo na mí be míalé hawo dometɔ aɖewo me nyawo ɖe susu me. Ète ŋu wɔ ɖe aɖaŋuɖoɖo sia dzia? Míate ŋu azã ƒometadedeaguɣiwo atsɔ asrɔ̃ hawo alé wo dometɔ aɖewo me nyawo ɖe susu me.

MIKPƆ VIDEO SI NYE ÐEVIWO DZIA HA TSƆNA KAFUA YEHOWA, EYOME MÍAÐO BIABIA SIAWO ŊU:

• Ŋusẽ nyui kae Fiaɖuƒehawo dzidzi ate ŋu akpɔ ɖe mía dzi?

• Dzadzraɖo kawoe Odio/Video dɔwɔƒea wɔna do ŋgɔ hafi léa hawo ɖe mɔ̃ dzi?

• Aleke ɖeviwo kple wo dzilawo dzrana ɖo hafi va dzia ha siawo woléna ɖi?

• Fiaɖuƒeha kae dea ƒutome na wò wu, eye nu ka tae?