KRISTOTƆWO ƑE AGBENƆNƆ
Kpe Ðe Viwòwo Ŋu Be Woaxɔ Wɔlaa Dzi Ase Geɖe Wu
Nuwɔwɔwo ɖea Yehowa ƒe ŋutikɔkɔe fiana. (Ps 19:1-4; 139:14) Ke hã, Abosam ƒe xexea doa afi si agbe dzɔ tso ŋuti nufiafia siwo medea bubu Mawu ŋu o la ɖe ŋgɔ. (Ro 1:18-25) Nu kae nàwɔ be nufiafia mawo nagakpɔ ŋusẽ gbegblẽ ɖe viwòa ƒe dzi kple susu dzi o? Kpe ɖe eŋu tso eƒe ɖevi me ke wòaxɔe ase be Yehowa li eye wòléa be na ye. (2Ko 10:4, 5; Ef 6:16) Dze agbagba nànya nu siwo fiam wole viwòa le suku eye nàzã dɔwɔnu vovovo siwo le mía si la atsɔ afia nui be wòaɖo eƒe dzi gbɔ.—Lod 20:5; Yak 1:19.
MIKPƆ VIDEO SI NYE, NYA SIWO HAWÒTIWO GBLƆ—MAWU DZI XƆXƆ SE, EYE MIADZRO BIABIA SIAWO ME:
Alakpanya kae ame geɖe gblɔna?
Nu kae wofiana le miaƒe suku?
Nu kae na nèka ɖe edzi be Yehowa li?
Mɔ ka dzie nàto akpe ɖe ame aɖe ŋu wòaxɔe ase be Mawu ye wɔ nuwo katã?
Ɖewohĩ Esia Hã Adzɔ Dzi Na Wò
SƆHƐWO BIANA BE
Ðe Xexea Dzɔ Le Eɖokui Sia?—Akpa 1: Nu Ka Tae Wòle Be Nàxɔ Mawu Dzi Ase?
Àdi be yeasrɔ̃ ale si yeaɖe nu si tae yexɔ Mawu dzi se la me kple kakaɖedzi geɖe wua? Kpɔ aɖaŋuɖoɖo siwo akpe ɖe ŋuwò ne ame aɖe tɔ gbe nu si tae nèxɔe se be Mawu li.
