Mɔkpɔkpɔ le abe seke ene. (Heb 6:19) Ekpena ɖe mía ŋu be míanɔ te ɖe nɔnɔme siwo le abe ahom sesẽ siwo ate ŋu agblẽ míaƒe xɔse dome la nu. (1Ti 1:18, 19) Ahom sesẽ siawo dometɔ aɖewo ate ŋu anye dziɖeleameƒo, ne míaƒe nuwo dome gblẽ, ne míele dɔ lém eteƒe didi, ne míaƒe ame vevi aɖe ku, alo ate ŋu anye nu bubu ɖe sia ɖe si doa míaƒe nuteƒewɔwɔ kpɔ.

Xɔse kple mɔkpɔkpɔ kpena ɖe mía ŋu míekpɔa ŋugbe siwo Mawu do la dzea sii nyuie wu. (2Ko 4:16-18; Heb 11:13, 26, 27) Eya ta ne míele mɔ kpɔm be míanɔ agbe le dziƒo loo alo anyigba dzi o, ele be míanɔ ŋugble dem le ŋugbedodo siwo le Mawu ƒe Nyaa me ŋu be wòado ŋusẽ mí. Awɔe be ne míele nɔnɔme sesẽwo me tom hã, anɔ bɔbɔe na mí be dzi nadzɔ mí.—1Pe 1:6, 7.

MIKPƆ VIDEO SI NYE DZI NEDZƆ MI LE MƆKPƆKPƆ ME, EYE MIAÐO BIABIA SIAWO ŊU:

• Nu ka tae Mose nye kpɔɖeŋu nyui aɖe wòle be míasrɔ̃?

• Agba kae le ƒome ƒe tawo dzi?

• Nu kawoe míate ŋu atsɔ ade míaƒe Ƒometadedeagu ɖoɖowo me?

• Aleke mɔkpɔkpɔ ate ŋu akpe ɖe ŋuwò dzi nanɔ ƒowò le tetekpɔwo me?

• Nu kae nèle mɔ kpɔm na?