Biblia gblɔe ɖi be Satana ati mía yome kple susu be yeatɔ te míaƒe gbeƒãɖeɖedɔa. (Yh 15:20; Nyɖ 12:17) Aleke míate ŋu akpe ɖe mía nɔvi Kristotɔ siwo yome tim wole le dukɔ bubuwo me la ŋui? Míate ŋu ado gbe ɖa ɖe wo ta. “Ŋusẽ le ame dzɔdzɔe ƒe kokoƒoƒo ŋu, eye wòwɔa dɔ.”—Yak 5:16.

Nu kae míate ŋu ado gbe ɖa abia? Míate ŋu abia Yehowa be wòana dzi nanɔ mía nɔviawo ƒo be wòana be vɔvɔ̃ nagaɖo wo o. (Yes 41:10-13) Azɔ hã, míate ŋu ado gbe ɖa abia be ŋusẽtɔ siwo tsi tre ɖe mía ŋu nase nu gɔme na mí “ale be míayi edzi anɔ anyi kpoo le tomefafa me.”—1Ti 2:1, 2.

Esi woti Paulo kple Petro yome la, Kristotɔ siwo nɔ anyi le ƒe alafa gbãtɔ me la yɔ wo ŋkɔ do gbe ɖa ɖe wo ta. (Dw 12:5; Ro 15:30, 31) Egbea, ne míenya ame siwo yome tim wole la katã ƒe ŋkɔwo o hã, ɖe wòanya wɔ be míayɔ woƒe hamea, dukɔa alo woƒe nutoa ŋkɔa?