Nu ka tae takpekpe gã siwo míewɔna la dzɔa dzi na mí ŋutɔ? Abe ale si wònɔ le blema Israel enea, takpekpe siwo míewɔna egbea naa mɔnukpɔkpɔ mí míewɔa ɖeka kple mía nɔvi haxɔsetɔ alafa alo akpe geɖewo subɔa Yehowa. Míesea vivi na gbɔgbɔmenuɖuɖu damiwo. Ha tuameɖo siwo míedena kple mía xɔlɔ̃wo kple ƒometɔwo hã dzɔa dzi na mí. Ŋudzedzekpɔkpɔ ɖe nu siawo ŋu ʋãa mí míedena ŋkeke etɔ̃awo katã.

Ne míeva ƒo ƒu ɖekae la, menye nu siwo aɖe vi na míawo ɖeɖe ŋu koe wòle be míabu o, ele be míabu ale si míaɖe lɔlɔ̃ afia ame bubuwo hã ŋu. (Ga 6:10; Heb 10:24, 25) Míaɖee afia be míele mía nɔviwo ƒe nyonyo dim ne mímexea wo ŋgɔ alo daa nu ɖe zikpui siwo mímazã o dzi o. (Flp 2:3, 4) Takpekpewo naa mɔnukpɔkpɔ nyui aɖe mí be míadze xɔlɔ̃ yeyewo. Míate ŋu aɖoe be míaɖo dze kple ame aɖe si míenya tsã o hafi takpekpea nadze egɔme, alo le ɖiɖiɖemeɣia, alo ne míekpã. (2Ko 6:13) Esia ate ŋu awɔe be míava dze xɔlɔ̃ siwo anɔ anyi ɖaa! Vevietɔ wua, ne amewo kpɔe be míelɔ̃a mía nɔewo vevie la, woate ŋu atiae be yewo hã yewoasubɔ Yehowa.—Yh 13:35.

MIKPƆ VIDEO SI NYE “LƆLƆ̃ NU METSINA GBEÐE O”! DUKƆWO DOME TAKPEKPE, EYOME MIAÐO BIABIA SIAWO ŊU:

• Aleke nɔviwo ɖe lɔlɔ̃ fia nɔvi siwo tso duta va ƒe 2019 dukɔwo dome takpekpea?

• Nu ka tae lɔlɔ̃ kple ɖekawɔwɔ si le Yehowa ƒe amewo dome la ɖe dzesi?

• Kristotɔwo ƒe lɔlɔ̃ ƒe akpa kawo dzie Dɔdzikpɔha me tɔwo he susu yi?

• Aleke Kristotɔwo ƒe lɔlɔ̃ kpe ɖe mía nɔviwo ŋu le Germany kple South Korea?

• Nu kae wòle be míaɖo kplikpaa be míawɔ?