Samuel wɔ nuteƒe na Yehowa le eƒe agbe me katã. Le eƒe ɖevimea, mesrɔ̃ nu gbegblẽ siwo Eli viŋutsu siwo nye Hofni kple Finehas nɔ wɔwɔm la o. (1Sa 2:22-26) Yehowa nɔ kplii esi wònɔ tsitsim. (1Sa 3:19) Esi wòku amegã hã, eyi edzi subɔ Yehowa nuteƒewɔwɔtɔe, gake viawo ya mewɔe nenema o.—1Sa 8:1-5.

Nu kae míate ŋu asrɔ̃ tso kpɔɖeŋu si Samuel ɖo ɖia me? Ne ɖevie nènyea, ka ɖe edzi be Yehowa nya nu siwo le fu ɖem na wò kple ale si nèsena le ɖokuiwò me. Ate ŋu akpe ɖe ŋuwò be dzi nanɔ ƒowò. (Yes 41:10, 13) Ne dzilae nènye eye viwò dzudzɔ Yehowa subɔsubɔa, wò dzi nedze eme, elabe abe Samuel enea, màte ŋu azi viwòwo dzi be woasubɔ Yehowa o. Samuel gblẽ eƒe nyawo ɖe Yehowa si me, eye wòyi edzi lé nuteƒewɔwɔ me ɖe asi tsɔ do dzidzɔ na Fofoa si le dziƒo. Ðewohĩ kpɔɖeŋu nyui siwo nèɖona aʋã viwòa wòatrɔ ava Yehowa gbɔ.

• MIKPƆ VIDEO SI NYE SRƆ̃ NU TSO WOƑE KPƆÐEŊUA ME—SAMUEL, EYOME MIAÐO BIABIA SIAWO ŊU:

• Aleke Samuel wɔ nu dzinɔameƒotɔe le eƒe ɖevime?

• Aleke Mawuli wɔ nu dzinɔameƒotɔe?

• Kpɔɖeŋu nyui kae Samuel ɖo ɖi esi wòtsi ku amegã?

• Kpɔɖeŋu nyui kae Mawuli dzilawo ɖo?