Nu ka tae esia le vevie? Ate ŋu adzɔ be míadze afɔku alo adze dɔ kpata eye wòahiã be woaxɔ mí ɖe kɔdzi. Eya ta hafi nane nava dzɔ nenemaa, ɖe afɔ siwo katã hiã ale be woate ŋu akpɔ gbɔwò le mɔ nyuitɔ nu le kɔdzi. Ne èwɔe alea, àɖee afia be yedea bubu agbe kpakple se si Yehowa de ku ɖe ʋu ŋua ŋu.—Dw 15:28, 29.

Nu kawoe nàte ŋu awɔ be nànɔ dzadzraɖoɖi?

• Do gbe ɖa eye nàgbɔ dzi ɖi akpe Ameteƒenɔla Ƒe Ŋusẽ Si Nɔa Anyi Ðaa (alo DPA ʋugbalẽvia) ɖo nyuie. a Gbeƒãɖela siwo xɔ nyɔnyrɔ ate ŋu axɔ ʋugbalẽvia le agbalẽnyawo gbɔ kpɔlaa gbɔ na wo ɖokuiwo eye woaxɔ dzesidegbalẽvia (Identity Card) na wo viwo

• Ne èfɔ fua, bia miaƒe hamemetsitsiwo ne woana wò Nyatakaka Na Nyɔnu Funɔwo (S-401) ƒe agbalẽvia. Agbalẽvi sia akpe ɖe ŋuwò nàtso nya me nyuie ne atikewɔnya aɖe do mo ɖa esime fua le ƒowò alo le vidziɣi

• Ne ʋudonyawo do mo ɖa alo eva hiã be woaxɔ wò ɖe kɔdzia, gblɔe na miaƒe hamemetsitsiwo do ŋgɔ eye nàna dɔnɔdzikpɔlawo nanya be Yehowa Ðasefowo ƒe hamemetsitsiwo ava srã ye kpɔ

Kpekpeɖeŋu kae hamemetsitsiwo ate ŋu ana? Woate ŋu akpe ɖe ŋuwò nàkpe ʋugbalẽvia ɖo. Gake womatso nya me na wò le atikewɔnyawo ŋu alo agblɔ woawo ŋutɔ woƒe susu na wo le nu siwo me wòle be wò ŋutɔ nàtso nya me lea ŋu o. (Ro 14:12; Ga 6:5) Ne èna miaƒe hamemetsitsiwo nya be lãmesẽnya aɖe do mo ɖa eye ate ŋu adzɔ be woado ʋu na ye le kɔdzia, woana Kɔdzi Kadodo Dzikpɔkɔmitia (HLC) nanya enumake.

Kpekpeɖeŋu kae Kɔdzi Kadodo Dzikpɔkɔmitia ate ŋu ana? Wona hehe kɔmiti sia me tɔwo be woakpe ɖe kɔdzidɔwɔlawo kple senyalawo ŋu woase egɔme be míelɔ̃na be woado ʋu na mí o le míaƒe dzixɔsewo ta. Woate ŋu aƒo nu kple wò atikewɔla tso dɔdamɔnu siwo awɔe be mahiã be woado ʋu na wò oa ŋu. Ne eva hiãa, woate ŋu akpe ɖe ŋuwò nàke ɖe ɖɔkta si akpɔ gbɔwò ʋumadomadoea ŋu.

MIKPƆ VIDEO SI NYE ALE SI NÀTSO NYA ME LE DƆDAMƆNU SIWO ME WOZÃA ƲU LE LA ŊU, EYOME MIAÐO BIABIA SIA ŊU:

• Nu kae nèsrɔ̃ tso video sia me si akpe ɖe ŋuwò nàdzra ɖo ɖe lãmesẽnya siwo ado mo ɖa kpata eye wòabia be woazã ʋu na wòa ŋu?

  Your answer