Míele nɔnɔme sesẽ geɖe me tom le ŋkeke mamlɛ siawo me. Ɣeaɖewoɣia, míate ŋu ase le mía ɖokui me be míaƒe kuxiwo wu tsɔtsɔ na mí. Gake ne míeyi edzi te ɖe Yehowa ŋua, akpe ɖe mía ŋu míado dzi le kuxi siwo gbãa dzi na mí gɔ̃ hã me. (Yes 43:2, 4) Aleke míate ŋu ate ɖe Yehowa ŋu ne míele nɔnɔme sesẽwo me tom?

Gbedodoɖa. Ne míegblɔ míaƒe dzimenyawo na Yehowa la, enaa ŋutifafa kple dzidzeme mí ale be míate ŋu ado dzi.—Flp 4:6, 7; 1Te 5:17.

Kpekpeawo. Le kpekpeawo mea, Yehowa naa gbɔgbɔmenuɖuɖu mí eye míedea ha kple mía nɔviwo. Míehiã na nu siawo fifia wu tsã. (Heb 10:24, 25) Ne míedea kpekpeawo, míedzrana ɖo ɖe eŋu, eye míekpɔa gome le emea, kpekpeɖeŋu si Yehowa ƒe gbɔgbɔ kɔkɔe nanaa aɖe vi na mí bliboe.—Nyɖ 2:29.

Gbeadzisubɔsubɔdɔa. Anɔ bɔbɔe na mí be míatsɔ susu aɖo nu siwo tua ame ɖo ŋu ne míedzea agbagba be míawɔ geɖe le gbeadzisubɔsubɔdɔa me ale si míate ŋui. Ewɔnɛ hã be míedoa ŋusẽ xɔlɔ̃wɔwɔ ƒe kadodo si le mía kple Yehowa kpakple mía nɔviwo, siwo nye míaƒe hadɔwɔlawoa dome.—1Ko 3:5-10.

MIKPƆ VIDEO SI NYE YEHOWA AXƆ WÒ, EYOME MIAÐO BIABIA SIAWO ŊU:

• Nu kae kpe ɖe Malu ŋu be eya kple Yehowa dome nɔ kplikplikpli esime wònɔ nɔnɔme sesẽwo me tom?

  Your answer

• Abe ale si wònɔ le Malu gome enea, aleke Psalmo 34:18 me nyawo ate ŋu afa akɔ na mí le xaxaɣiwo?

  Your answer

• Aleke nu siwo me Malu toa ɖee fia be Yehowa naa “ŋusẽ si gbɔ dzɔdzɔmetɔ ŋu” mí ne míele nɔnɔme sesẽwo me tom?—2Ko 4:7

  Your answer