February 19-25
PSALMOWO 8-10
Hadzidzi 2 Kple Gbedodoɖa | Ŋgɔdonyawo (1 min.)
1. “Oo Yehowa, Makafu Wò”!
(10 min.)
Yehowa wɔ nu nyui geɖe na mí (Ps 8:3-6; w21.08 3 ¶6)
Edzɔa dzi na mí be míaƒo nu tso Yehowa ƒe nukudɔwo ŋu na amewo atsɔ akafui (Ps 9:1; w20.05 23 ¶10)
Míegakafua Yehowa ne míedzi ha nɛ tso dzi blibo me (Ps 9:2; w22.04 7 ¶13)
BIA ÐOKUIWÒ BE, ‘Mɔ bubu kawo nue magate ŋu akafu Yehowa le?’
2. Mawu Ƒe Nyaa Me Kesinɔnuwo
(10 min.)
-
Ps 8:3—Nu kae hakpala wɔnɛ esi wòƒo nu tso Mawu ƒe asibidɛwo ŋu? (mwbr24.01 10 ¶3)
-
Mawu ƒe nyaa me kesinɔnu kawo ŋue nèke ɖo le kwasiɖa sia ƒe Biblia xexlẽ me si ŋu nèdi be yeaƒo nu tsoe?
3. Biblia Xexlẽ
(4 min.) Ps 10:1-18 (th nusɔsrɔ̃ 11)
4. Dzeɖoɖo Gɔmedzedze
(3 min.) TSO AƑE ME YI AƑE ME. Amea gblɔ na wò be yemexɔ Mawu dzi se o. (lmd nusɔsrɔ̃ 5 ƒe xexlẽdzesi 4)
5. Dzeɖoɖoa Dzi Yiyi
(4 min.) VOMEÐASEÐIÐI. Esi mieɖo dze va yia, amea gblɔ na wò be yemexɔ Mawu dzi se o gake yeadi be yeanya nu siwo ɖo kpe edzi be Wɔla aɖe li. (th nusɔsrɔ̃ 7)
6. Nuƒo
(5 min.) w21.06 6-7 ¶15-18—Tanya: Kpe Ðe Wò Nusrɔ̃viwo Ŋu Woakafu Yehowa. (th nusɔsrɔ̃ 10)
Hadzidzi 10
7. Ale Si Nàɖi Vome Ðase Wòasɔ ɖe Nɔnɔmea Nu
(10 min.) Numedzodzro.
Mɔ aɖe si dzi míate ŋu ato akafu Yehowa geɖe wue nye be míaɖi ɖase na ame siwo míedoa goe le ŋkekea me. (Ps 35:28) Míate ŋu avɔ̃ gbã be míaɖi ɖase na wo le vome elabe menye gbeadzie míele o. Gake, ne míesrɔ̃ ale si míaɖo dze kple amewo wòasɔ ɖe nɔnɔme si me míedo go wo le ŋua, esia ate ŋu ana míava bi ɖe dzeɖoɖo kple amewo me eye míase vivi nɛ gɔ̃ hã!
Na woaɖe VIDEOA, Nɔ Dzadzraɖoɖi Be Nàgblɔ “Ŋutifafanya Nyui La”—Dze Agbagba Nàɖo Dze Kple Amewo. Eyome nàbia be:
Nu kae nèsrɔ̃ tso wɔwɔfia ƒe videoa me si ate ŋu akpe ɖe ŋuwò be nàɖi vome ɖase nyuie wu?
Aɖaŋuɖoɖo siwo gbɔna ate ŋu akpe ɖe ŋuwò nàdze dzeɖoɖo gɔme:
-
Ɣesiaɣi si nèdo le aƒe mea, nɔ ŋudzɔ be nàde dzesi mɔnukpɔkpɔ siwo aʋu ɖi na wò be nàɖi ɖase. Do gbe ɖa tso eŋu, eye nàbia Yehowa wòakpe ɖe ŋuwò nàke ɖe ame siwo alɔ̃ be yewoaɖo to ŋu
-
Do vivi ɖe ame siwo nèdo goea ŋu eye nàtsɔ ɖe le eme na wo. Dze agbagba nàde dzesi nane le amea ŋu ale be nàte ŋu anya Biblia me nyateƒe si nàgblɔ be wòaɖe vi nɛ
-
Dze agbagba nàxɔ amea ƒe nyatakaka siwo ana nàgake ɖe eŋu, ne anya wɔ
-
Ne mète ŋu ɖi ɖase na amea hafi miewu dzeɖoɖoa nu o hãa, dzi megaɖe le ƒowò o
-
Amea ƒe nu nenɔ susu me na wò le miaƒe dzeɖoɖo vɔ megbe. Ðo mawunyakpukpui alo nyati siwo le jw.org ƒe link ɖee nàtsɔ aɖee afia be eƒe nu le susu me na wò
Te esia kpɔ: Ne ame aɖe bia be yeanya ale si kwasiɖanuwuwua yi na wòa, àte ŋu agblɔ nu siwo nèsrɔ̃ le kpekpe alo ale si nèyi gbeadzi vae fia Biblia amewoa nɛ.
8. Miaƒe Nuhiahiãwo
(5 min.)
9. Hame Ƒe Biblia Nusɔsrɔ̃
(30 min.) bt ta 6 ¶1-8 kple akpa 2 lia ƒe ŋgɔdonya
