Gbe sia gbe mɔɖeɖedɔa wɔwɔ bia ɖoɖo nyui wɔwɔ. Ne èzã gaƒoƒo 18 kwasiɖa sia kwasiɖa le gbeadzi la, àte ŋu awɔ mɔɖeɖedɔa agakpɔ ɣeyiɣi aɖi ɖe eme. Gaƒoƒonudidi sia gbɔ ɖoɖo kwasiɖa sia kwasiɖa ana be ne nu siwo mele mɔ kpɔm na o abe dɔléle alo tsidzadza ene va ɖe fu la, magblẽ nu le gaƒoƒonudidia ŋu o. Ðoɖowɔɖi si dze le ete la nye esi dzi gbeƒãɖela siwo wɔa dɔ kwasiɖa bliboa, esiwo wɔa dɔ ŋkeke aɖewo ko le kwasiɖaa me, esiwo si lãmesẽ mele o alo esiwo ŋu ŋusẽ mele o ate ŋu azɔ ɖo. Ðewohĩ asitɔtrɔ si miawɔ le ƒomea ƒe ɖoɖowɔɖiwo ŋu awɔe be ƒomea me tɔ ɖeka nate ŋu adze mɔɖeɖedɔa gɔme le September me. Miate ŋu adzro nya sia me kpɔ le ƒometadedeagu si miagawɔ me.