Ehiã xɔse hafi ame nate ŋu aʋu ayi teƒe bubu be yeawɔ geɖe le subɔsubɔdɔa me. (Heb 11:8-10) Ne èle eŋu bum be yeaʋu ayi teƒe aɖe si hiahiã geɖe lea, gblɔe na wò hamemetsitsiwo. Afɔ kawoe nàte ŋu aɖe be nànya nu siwo wòalɔ ɖe eme kple ale si nàtia teƒe si nàyi? Xlẽ míaƒe agbalẽ siwo ƒo nu tso subɔsubɔ le afi siwo hiahiã geɖe lea ŋu. Ðo dze kple ame siwo te ŋu vae subɔ le hame bubuwo me dzidzedzetɔe. (Lod 15:22) Do gbe ɖa na Yehowa be wòafia mɔ wò. (Yak 1:5) Ku nu me tso teƒe si nàdi be yeayi ŋu, eye ne anya wɔa, ɖi tsa yi teƒea ŋkeke aɖewo do ŋgɔ hafi nàtso nya me.

MIKPƆ WƆWƆFIA ƑE VIDEO SI NYE XƆSE NEƲÃ WÒ NÀWƆ GEÐE NA YEHOWA—ƲUƲU YI AFI SI HIAHIÃ LOLO WU LE, EYOME MIAÐO BIABIA SIAWO ŊU:

• Asitɔtrɔ kawoe wòle be Gabriel nawɔ, eye nu kae kpe ɖe eŋu?