Ele be ame siwo katã di be yewoanye Mawu Fiaɖuƒea teviwo la nadze agbagba asrɔ̃ nu sia nu si woate ŋui tso Fiaɖuƒea kple nu siwo wòwɔ va yi la ŋu. Nu ka tae? Menye ɖeko esia ado ŋusẽ woƒe xɔse woakpɔe be Mawu Fiaɖuƒea le dzi ɖum ko o, ke aʋã wo be woagblɔ Mawu Fiaɖuƒea ŋuti nya nyuia na ame bubuwo. (Ps 45:1; 49:3) Ne èle video si nye Fiaɖuƒea Xɔ Ƒe 100 Vɔ kpɔm la, di ŋuɖoɖo na biabia siwo gbɔna:

1. Nu ka tae “Xexemewɔwɔ Ƒe Foto-Dramaa” nye yayra na ame siwo kpɔe?

2. Aleke wozã radio tsɔ kaka nya nyuiae?

3. Mɔnu bubu kawoe wozã tsɔ ɖe gbeƒã nya nyuia, eye nu kae do tso eme?

4. Esi ƒeawo va nɔ yiyim la, aleke hehe siwo nam wole gbeƒãɖelawo nyo ɖe edzii?

5. Nu ŋutɔŋutɔ kawoe wowɔ tsɔ na hehe Gilead Sukua delawo?

6. Akpa kae takpekpewo wɔ le hehenana Yehowa ƒe amewo me?

7. Nu kae na nèka ɖe edzi be Mawu Fiaɖuƒea le dzi ɖum?

8. Aleke míaɖee afia be míele Mawu Fiaɖuƒea ƒe akpa dzi?