KRISTOTƆWO ƑE AGBENƆNƆ
Ale Si Nàwɔ Abi Ðe Ðaseɖiɖidɔa Me—Zã Videowo Nàtsɔ Afia Nu
NU SI TA WÒLE VEVIE:
Nu siwo amewo kpɔ hese le videowo me la ate ŋu aʋa woƒe dzi. Videowo tea ŋu léa amewo ƒe susu ɖe te, eye wotea ŋu tsia susu me na wo hena ɣeyiɣi didi. Yehowa ɖo kpɔɖeŋu nyui le nu siwo wokpɔna zazã atsɔ afia nui me.—Dw 10:9-16; Nyɖ 1:1.
Video siwo nye Ðe Ŋkɔ Le Mawu Sia?, Ame Kae Nye Biblia La Ŋlɔla? kple Aleke Míawɔ Aka Ðe Edzi Be Biblia Me Nyawo Nye Nyateƒe? la de nu Nya Nyui gbalẽ gbadzaa ƒe nusɔsrɔ̃ 2 lia kple 3 lia me. Video siwo nye Nu Ka Tae Wònyo Be Nàsrɔ̃ Biblia?, Aleke Míewɔa Biblia-nusɔsrɔ̃e? kple Nu Kawoe Yia Edzi Le Fiaɖuƒe Akpata Me? ade dzi ƒo na amewo be woalɔ̃ be míasrɔ̃ Biblia kpli yewo alo woade hamea ƒe kpekpewo. Ne míele Biblia srɔ̃m kple nusrɔ̃viwo la, míate ŋu aɖe video siwo didi hã afia wo.—km 5/13 3.
ALE SI NÀWƆE:
-
Wɔ video si nàdi be yeaɖe afia aƒemenɔlaa ƒe kɔpi do ŋgɔ
-
Dzra ɖo ɖe nyabiase ɖeka alo eve ŋu nàbia si ƒe ŋuɖoɖo miakpɔ le videoa me
-
Mikpɔ videoa ɖekae
-
Midzro nya veviawo me
TE ESIA KPƆ:
-
Ne èle trakt aɖe nam ame aɖe la, he eƒe susu yi dzesi si le megbekpaa dzi si ne wotsɔ QR-xlẽnu ɖe fotoe la, woakpɔ video si nye Nu Ka Tae Wònyo Be Nàsrɔ̃ Biblia? la dzi
-
Ðe video si nye Aleke Míawɔ Aka Ðe Edzi Be Biblia Me Nyawo Nye Nyateƒe? fia ame aɖe, emegbe tsɔ Nya Nyui gbalẽ gbadzaa nɛ eye nàhe eƒe susu yi nusɔsrɔ̃ 3 lia dzi
