Dzila mawuvɔ̃lawo kpɔa mɔ be yewo viwo nava zu Yehowa subɔla wɔnuteƒewo. Dzilawo ate ŋu akpe ɖe wo ŋu woawɔ esia ne wokua Biblia ƒe nufiafiawo ɖe dzi me na wo viwo tso vidzĩme ke. (5Mo 6:7; Lod 22:6) Ðe esia bia be dzilawo natsɔ nanewo asa vɔea? Ɛ̃! Gake viɖe siwo ado tso eme la mave wo akpɔ o.—3Yh 4.

Dzilawo ate ŋu asrɔ̃ nu geɖe tso Yosef kple Maria gbɔ. Woyia “Yerusalem ƒe sia ƒe ɖaɖua Ŋutitotoŋkekenyuia” togbɔ be esia bia agbagbadzedze kple ga hã. (Lk 2:41) Edze ƒãa be wotsɔa woƒe ƒomea ƒe gbɔgbɔmenuhiahiãwo ɖoa nɔƒe gbãtɔ. Dzila siwo li egbea hã ate ŋu akpe ɖe wo viwo ŋu alea, ne wowɔa mɔnukpɔkpɔ ɖe sia ɖe ŋu dɔ be yewoafia nu wo, to woƒe nyagbɔgblɔwo kple nuwɔna me.—Ps 127:3-5.

MIKPƆ VIDEO SI NYE WOWƆ MƆNUKPƆKPƆ ÐE SIA ÐE ŊU DƆ, EYOME MIAÐO BIABIA SIAWO ŊU:

• Mɔ ka nue Jon kple Sharon Schiller yi edzi tsɔ Fiaɖuƒea ƒe nuwo ɖo nɔƒe gbãtɔ togbɔ be viwo nɔ wo si hã?

• Nu ka tae wòle be dzilawo nahe wo viwo le ɖeviawo dometɔ ɖe sia ɖe ƒe nuhiahiã nu?

• Alekee dzilawo ate ŋu akpe ɖe wo viwo ŋu be woanɔ te ɖe nu siwo ado woƒe xɔse kpɔ la nu?

• Dɔwɔnu siwo Yehowa ƒe habɔbɔa na mí dometɔ kae nèzã tsɔ kpe ɖe viwòwo ŋu be wotsi le gbɔgbɔ me?