Le ƒe ʋɛ siwo va yi mea, kpɔɖeŋudzeɖonyawo dzena le Kristotɔwo Ƒe Agbenɔnɔ Kple Subɔsubɔdɔ—Kpekpea Ƒe Nusrɔ̃gbalẽa ƒe akpaa dzi. Aleke wòle be míazã woe?

Ne Wona Dɔdeasi Wò Le Sukua Me: Ele be nàzã nyabiasea, mawunyakpukpuia kple nya si nàgblẽ ɖi si le kpɔɖeŋudzeɖonyaa me. Ke hã, esia mefia be nàgblɔ nya siwo tututu wogblɔ le kpɔɖeŋudzeɖonyaa ƒe videoa me o. Àte ŋu azã ɖaseɖimɔnu bubu, ŋgɔdonya bubu, alo mɔnu bubuwo faa. Àte ŋu ana agbalẽ aɖe si le Dɔwɔnu Siwo Míetsɔ Fiaa Nui me ne womebia esia tso asiwò o gɔ̃ hã.

Ne Èle Gbeadzi: Ðeko wotrɔ asi le kpɔɖeŋudzeɖonyawo ŋu be nya veviawo nadze. Ne ame aɖe tsɔ ɖe le eme eye wòdi be yeanya nu geɖe la, àte ŋu azã tɔtrɔyi ƒe dzeɖonyaa atsɔ ayi dzeɖoɖoa dzi kplii. Àte ŋu atrɔ asi le kpɔɖeŋudzeɖonyaa ŋu alo azã bubu kura ɖe eteƒe. Ðe kpɔɖeŋudzeɖonya aɖe si míezã va yi alo mawunyakpukpui bubu aɖe asɔ wu le mia gbɔa? Ðe miaƒe nutoa me tɔwo tsia dzi ɖe nu siwo le dzɔdzɔm le nutoa me alo ɖe nyadzɔdzɔwo ŋua? Aleke kee nèɖoe be yeatrɔ asi le kpɔɖeŋudzeɖonyaa ŋui o, na wòanye wò taɖodzinu be ‘yeawɔ nuwo katã le nya nyui la ta, ale be ye hã yeate ŋu agblɔe na amewo.’—1Ko 9:22, 23.