April 29–May 5
PSALMOWO 34-35
Hadzidzi 10 Kple Gbedodoɖa | Ŋgɔdonyawo (1 min.)
1. ‘Kafu Yehowa Ɣeawokatãɣi’
(10 min.)
David kafu Yehowa le eƒe xaxaɣiwo me gɔ̃ hã (Ps 34:1; w07 3/1 22 ¶11)
David ƒo adegbe le Yehowa ŋu, ke menye le eɖokui ŋu o (Ps 34:2-4; w07 3/1 22 ¶13)
David ƒe kafukafunyawo do ŋusẽ ame siwo nɔ eŋu (Ps 34:5; w07 3/1 23 ¶15)
Esi David si le Abimelek gbɔ vɔa, ŋutsu 400 siwo do dziku ɖe Saul ŋu veviea va wɔ ɖeka kplii le gbea dzi. (1Sa 22:1, 2) Anye ŋutsu siawo ƒe nue nɔ susu me na David esi wòkpa psalmo 34 lia.—Ps 34, etamenuŋɔŋlɔ.
BIA ÐOKUIWÒ BE, ‘Ne megayi hame ƒe kpekpe aɖea, aleke mate ŋu akafu Yehowa ne mele dze ɖom kple ame aɖe?’
2. Mawu Ƒe Nyaa Me Kesinɔnuwo
(10 min.)
-
Ps 35:19—Nu kae David wɔnɛ esi wòdo gbe ɖa be Yehowa nagana ame siwo lé fu yea ‘nate ŋku ɖe ye o’? (w06 5/15 20 ¶2)
-
Mawu ƒe nyaa me kesinɔnu kawo ŋue nèke ɖo le kwasiɖa sia ƒe Biblia xexlẽ me si ŋu nèdi be yeaƒo nu tsoe?
3. Biblia Xexlẽ
(4 min.) Ps 34:1-22 (th nusɔsrɔ̃ 5)
4. Dzeɖoɖo Gɔmedzedze
(2 min.) VOMEÐASEÐIÐI. Ènɔ dze ɖom kple ame aɖe gake mète ŋu ɖi ɖase nɛ hafi dzeɖoɖoa wu enu o. (lmd nusɔsrɔ̃ 1 ƒe xexlẽdzesi 4)
5. Dzeɖoɖoa Dzi Yiyi
(4 min.) VOMEÐASEÐIÐI. (lmd nusɔsrɔ̃ 2 ƒe xexlẽdzesi 4)
6. Wò Dzixɔsewo Me Ðeɖe
(5 min.) Wɔwɔfia. ijwfq 59—Tanya: Aleke Yehowa Ðasefowo Wɔna Nyana Ne Azã Aɖe Ðuɖu Sɔ Alo Mesɔ O? (th nusɔsrɔ̃ 17)
Hadzidzi 59
7. Mɔ Etɔ̃ Siwo Dzi Nàto Akafu Yehowa Le Kpekpewo Me
(15 min.) Numedzodzro.
Le hame ƒe kpekpewo mea, mɔnukpɔkpɔ nyuiwo sua mía si míekafua Yehowa. Wo dometɔ etɔ̃ aɖewoe nye esi.
Dzeɖoɖo: Ƒo nu tso Yehowa ƒe nyuiwɔwɔwo ŋu ne èle dze ɖom kple amewo. (Ps 145:1, 7) Ðe nèxlẽ nane le míaƒe agbalẽwo me alo kpɔ habɔbɔa ƒe video aɖe si ɖe vi na wòa? Ðe nuteƒekpɔkpɔ nyui aɖe su asiwò le gbeadzia? Ðe ame aɖe gblɔ nya aɖe alo wɔ nane si de dzi ƒo na wòa? Ðe nèkpɔ Yehowa ƒe nuwɔwɔ aɖe si wɔ dɔ ɖe dziwòa? Nu siawo katã nye nunana tso Yehowa gbɔ. (Yak 1:17) Eya ta va kpekpea miniti ʋɛ aɖewo do ŋgɔ be nàte ŋu akpɔ ɣeyiɣi aɖo dze kple amewo.
Nyaŋuɖoɖo: Dze agbagba nàɖo nya ŋu zi ɖeka ya teti le kpekpe ɖe sia ɖe me. (Ps 26:12) Àte ŋu atsɔ nyabiasea ƒe ŋuɖoɖo vɛ tẽe, alo aƒo nu tso nya bubu aɖe si dze le memama mea ŋu, alo àte ŋu aƒo nu tso mawunyakpukpui aɖe, nɔnɔmetataa alo ale si míate ŋu awɔ nufiamea ŋu dɔea ŋu. Anyo be nàdzra ɖo ɖe nyaŋuɖoɖo geɖe ŋu elabe nɔvi bubuwo hã ado asi ɖe dzi be yewoaɖo nya ŋu. Ne míaƒe nyaŋuɖoɖowo xɔa sɛkɛnds 30 alo esi mede nenema oa, mɔnukpɔkpɔ asu ame bubuwo hã si be ‘woatsɔ kafukafuvɔsa ana Mawu.’—Heb 13:15.
Hadzidzi: Dzi Fiaɖuƒe hawo kple dzonɔameme. (Ps 147:1) Ate ŋu adzɔ be womayɔ wò be nàɖo nya ŋu le kpekpe ɖe sia ɖe me o, vevietɔ ne míesɔ gbɔ le hamea me, gake mɔnukpɔkpɔ asu asiwò ɣesiaɣi be nàdzi ha. Ne ewɔ na wò be yemenya hadzidzi o hãa, Yehowa akpɔ dzidzɔ ɖe ŋuwò ne èwɔ tɔwò sinua! (2Ko 8:12) Àte ŋu adzra ɖo ɖe hawo dzidzi ŋu le aƒe me.
Na woaɖe VIDEOA, Míaƒe Habɔbɔa Le Zɔ Ðem—Hadzidzi Ƒe Nunana, Akpa 1. Eyome nàbia be:
Tso gɔmedzedzea kea, aleke habɔbɔa ɖee fia be kafukafuhawo dzidzi na Yehowa le vevie?
8. Hame Ƒe Biblia Nusɔsrɔ̃
(30 min.) bt ta 9 ¶1-7, akpa 3 lia ƒe ŋgɔdonya kple aɖaka si le axa 70
