9:1-7

Bu ale si Yesu anya se le eɖokui me esi wòse Fofoa si le dziƒo gblɔ be eƒe nu dze ye ŋu le nɔnɔmetɔtrɔ ŋuti ŋutegaa me la ŋu kpɔ. Ðikeke mele eme o be esia do ŋusẽ Yesu le fu siwo wòva kpe la me. Ŋutega sia do ŋusẽ Petro, Yakobo kple Yohanes hã vevie. Ŋutegaa na woka ɖe edzi be Yesue nye Mesia la, eye ena wokpɔe be esɔ be yewoɖo toe. Le ƒe 32 megbe la, Petro gaɖo ŋku nudzɔdzɔ sia kple ale si wòna kakaɖedzi geɖe wu va le “nyagblɔɖinya” la ŋu la dzi.—2Pe 1:16-19.

Togbɔ be míekpɔ ŋutega wɔdɔɖeamedzi sia teƒe o hã la, míele emevava ya teƒe kpɔm. Yesu nye Fia ŋusẽtɔ aɖe si le dzi ɖum fifia. Eteƒe madidi o ‘awu eƒe aʋadziɖuɖu la nu,’ eye esia aʋu mɔ be xexe si me dzɔdzɔenyenye xɔ aƒe ɖo la nava.—Nyɖ 6:2.

Aleke Biblia me nyagblɔɖiwo me vava do ŋusẽ wò xɔsee?