NA WÒ SUBƆSUBƆDƆA NANYO ÐE EDZI | KPƆ DZIDZƆ GEÐE LE WÒ SUBƆSUBƆDƆA ME
Wɔ Kpɔɖeŋu Siwo Aɖe Nya Veviawo Me
Ne míele tɔtrɔyi alo Biblia nusɔsrɔ̃ wɔma, ele be míakpe ɖe amewo ŋu woase nya veviawo gɔme. Kpɔɖeŋuwo ate ŋu ana nyaa nawɔ dɔ ɖe wo dzi eye wòanɔ bɔbɔe na wo be woaɖo ŋku nya veviawo dzi.
Ne èle dzadzram ɖo ɖe tɔtrɔyi alo Biblia nusɔsrɔ̃ aɖe ŋua, di kpɔɖeŋu siwo aɖe nya veviawo koŋ me. Kpɔɖeŋuawo nenɔ bɔbɔe eye woaku ɖe nu siwo amewo wɔna gbe sia gbe ŋu. (Mt 5:14-16; Mr 2:21; Lk 14:7-11) Dze agbagba nàbu ame si ƒomevi amea nye kple dɔ siwo wòwɔna ŋu. (Lk 5:2-11; Yh 4:7-15) Ne èkpɔe be ese nufiame aɖe gɔme wòdo dzidzɔ nɛa, dzi adzɔ wò hã godoo.
MIKPƆ WƆWƆFIA ƑE VIDEO SI NYE KPƆ DZIDZƆ LE NUSRƆ̃LAWƆWƆDƆA ME—NA WÒ NUFIAFIAÐAŊU NAGANYO ÐE EDZI—WƆ KPƆÐEŊU SIWO AÐE NYA VEVIAWO ME, EYOME MIAÐO BIABIA SIAWO ŊU:
-
Nu ka tae wòahiã be míakpe ɖe nusrɔ̃viwo ŋu woase mawunyakpukpuiwo gɔme?
-
Kpɔɖeŋu kae Rut wɔ tsɔ ɖe nya vevi si dze le Romatɔwo 5:12 me?
-
Kpɔɖeŋu nyuiwo dea dzi gbɔ na amewo
Aleke kpɔɖeŋu nyuiwo ate ŋu aɖe vi na míaƒe nyaselawo?
-
Nu ka tae wòle be míazã videowo kple dɔwɔnu bubu siwo Yehowa ƒe habɔbɔa na mí la le nufiafiadɔa me?
