May 6-12
PSALMO 36-37
Hadzidzi 87 Kple Gbedodoɖa | Ŋgɔdonyawo (1 min.)
1. “Dzi Megaku Wò Le Nu Vlo Wɔlawo Ta O”
(10 min.)
Ame vɔ̃ɖiwo nana míekpea fu (Ps 36:1-4; w17.04 10 ¶4)
Ne míelé dziku ɖe dɔ me le “nu vlo wɔlawo” ta la, egblẽa nu le mía ŋu (Ps 37:1, 7, 8; w22.06 10 ¶10)
Ne míeka ɖe Yehowa ƒe ŋugbedodowo dzi la, esia ana míakpɔ ŋutifafa (Ps 37:10, 11; w03 12/1 13 ¶20)
BIA ÐOKUIWÒ BE, ‘Ðe metsɔa susu ɖoa nu vlo wɔwɔwo ŋu nya siwo wogblɔna le nyadzɔdzɔwo me ŋu fũu akpaa?’
2. Mawu Ƒe Nyaa Me Kesinɔnuwo
(10 min.)
-
Ps 36:6—Anye nu kae hakpalaa wɔnɛ esi wògblɔ be Yehowa ƒe dzɔdzɔenyenye le “abe to gã nyadriwo ene” [alo, “abe Mawu ƒe towo ene,” etenuŋɔŋlɔ]? (mwbr24.05 1 ¶4)
-
Mawu ƒe nyaa me kesinɔnu kawo ŋue nèke ɖo le kwasiɖa sia ƒe Biblia xexlẽ me si ŋu nèdi be yeaƒo nu tsoe?
3. Biblia Xexlẽ
(4 min.) Ps 37:1-26 (th nusɔsrɔ̃ 10)
4. Dzeɖoɖo Gɔmedzedze
(3 min.) TSO AƑE ME YI AƑE ME. (lmd nusɔsrɔ̃ 1 ƒe xexlẽdzesi 5)
5. Dzeɖoɖoa Dzi Yiyi
(4 min.) VOMEÐASEÐIÐI. Do Biblia nusɔsrɔ̃ ɖe ame aɖe si gbe tsã be woagasrɔ̃ nu kple ye o la gbɔ. (lmd nusɔsrɔ̃ 9 ƒe xexlẽdzesi 4)
6. Nuƒo
(5 min.) ijwbv 45—Tanya: Nu Kae Psalmo 37:4 Me Nyawo Fia? (th nusɔsrɔ̃ 13)
Hadzidzi 33
7. Ðe Nèdzra Ðo Ðe “Xaxaɣiwo” Ŋua?
(15 min.) Numedzodzro.
Dzɔdzɔmefɔkuwo kple afɔku siwo tsoa amegbetɔwo gbɔ wɔe be mía nɔviwo le xexea me godoo ƒe nunɔamesiwo dome gblẽ eye ɖewo hã ƒe ame veviwo ku. (Ps 9:9, 10) Nublanuitɔe la, ‘xaxawo’ ate ŋu ava mía dometɔ ɖe sia ɖe dzi le vo me, eya ta ele be míadzra ɖo ɖe wo ŋu.
To vovo na nu siwo wòahiã be míada ɖe alɔ dzi la, a nu kawo hãe míate ŋu awɔ be míatsi agbe ne afɔku dzɔ?
-
Dzra ɖo le susu me: Nenɔ susu me na wò be afɔkuwo ate ŋu adzɔ, eye bu nu siwo nàte ŋu awɔ ne ɖe dzɔ la ŋu. Mègana ŋutilãmenuwo nanɔ vevie na wò akpa o. Esia akpe ɖe ŋuwò be ne afɔku dzɔa, wò dedienɔnɔ anɔ vevie na wò wu ŋutilãmenuwo eye àwɔ nu kpata le nunya me. (1Mo 19:16; Ps 36:9) Akpe ɖe ŋuwò hã be le afɔkua megbe la, màse veve fũu akpa be ŋutilãmenu mawo bu na ye o.—Ps 37:19
-
Dzra ɖo le gbɔgbɔ me: Wɔ nu siwo ana nàka ɖe edzi be Yehowa ate ŋu akpe ɖe ye ŋu eye edi be yeawɔe hã. (Ps 37:18) Hafi afɔku aɖe nava dzɔ la, nɔ ŋku ɖom edzi na ɖokuiwò be Yehowa afia mɔ esubɔlawo eye wòakpe ɖe wo ŋu godoo, ne ‘woƒe agbe koe wòaɖe’ gɔ̃ hã.—Yr 45:5, etenuŋɔŋlɔ; Ps 37:23, 24
Ne míeka ɖe edzi be Yehowa awɔ eƒe ŋugbedodowo dzi la, ke míele eɖem fia be enye míaƒe “mɔ́ sesẽ le xaxaɣi.”—Ps 37:39.
Na woaɖe VIDEOA: Ðe Nèdzra Ðo Ðe Afɔku Ŋua? Eyome nàbia nya siawo:
-
Aleke Yehowa ate ŋu akpe ɖe mía ŋu ne afɔku dzɔ?
-
Nu kawoe míate ŋu awɔ atsɔ adzra ɖo ɖe afɔku ŋu?
-
Aleke míate ŋu akpe ɖe ame siwo dzi afɔku dzɔ ɖo la ŋu?
8. Hame Ƒe Biblia Nusɔsrɔ̃
(30 min.) bt ta 9 ¶8-16
