8:6-9, 12; 9:1-5, 23, 24

Yehowa na dzo fia numevɔ gbãtɔ si wosa esime woɖo Aron kple viaŋutsuwo nunɔlawoe. Yehowa to esia dzi ɖee fia be yekpɔ ŋudzedze ɖe wo ŋu eye yele megbe na wo. Nu sia si Yehowa wɔ si teƒe Israel-viwo kpɔ la, na wokpɔe be ele be yewoakpe asi ɖe nunɔla siawo ŋu bliboe. Egbea, Yehowa ɖo Yesu si wodo ŋutikɔkɔe na la wònye Nunɔla Gãtɔ. (Heb 9:11, 12) Le ƒe 1919 me la, Yesu ɖo nɔviŋutsu amesiaminawo ƒe ha sue aɖe “kluvi nuteƒewɔla kple aɖaŋudzela.” (Mt 24:45) Nu kawoe ɖee fia be Yehowa kpɔ ŋudzedze ɖe kluvi nuteƒewɔla la ŋu, ele megbe nɛ, eye wòle eyram?

• Togbɔ be woti kluvi nuteƒewɔla la yome kutɔkutɔe hã la, eyi edzi le gbɔgbɔmenuɖuɖu nam mí

• Abe ale si wogblɔe ɖi ene la, wole gbeƒã ɖem nya nyuia “le anyigba blibo la katã dzi.”—Mt 24:14

Aleke míate ŋu akpe asi ɖe kluvi nuteƒewɔla kple aɖaŋudzela la ŋu bliboe?