Nɔvinyɔnuwo wɔa dɔ geɖe tsɔ doa Fiaɖuƒea ƒe nuwo ɖe ŋgɔ. (Ps 68:11) Wosrɔ̃a Biblia kple ame geɖe. Gbesiagbe mɔɖelawo dometɔ akpa gãtɔ nye nɔvinyɔnuwo. Nɔvinyɔnu akpe geɖe nye Betel dɔwɔlawo, dutanyanyuigblɔlawo, teokrasi xɔtudɔwɔlawo kple gbegɔmeɖelawo. Nɔvinyɔnu siwo tsi le xɔse mea tua woƒe ƒomewo kple hamea ɖo. (Lod 14:1) Togbɔ be womeɖoa nɔvinyɔnuwo hamemetsitsiwo alo subɔsubɔdɔwɔlawo o hã, woate ŋu aɖo taɖodzinuwo na wo ɖokuiwo le Yehowa subɔsubɔ me. Ne nɔvinyɔnue nènyea, taɖodzinu kawoe nàte ŋu aɖo na ɖokuiwò?

• Tu nɔnɔme nyuiwo ɖo.—1Ti 3:11; 1Pe 3:3-6.

• Kpe ɖe nɔvinyɔnu siwo le hamea me, siwo si nuteƒekpɔkpɔ boo mesu oa ŋu.—Tit 2:3-5.

• Na wò subɔsubɔdɔa nanɔ nyonyom ɖe edzi eye nàwɔe geɖe wu

• Srɔ̃ gbe bubu

• Ʋu yi afi si wohiã gbeƒãɖela geɖe le

• De asi agbalẽ te be yeasubɔ le Betel alo akpe asi ɖe teokrasixɔtudɔwo ŋu

• De asi agbalẽ te be yeade Fiaɖuƒe Nyanyuigblɔlawo Ƒe Sukua

MIKPƆ VIDEO SI NYE “NYƆNU SIWO DZEA AGBAGBA GEÐE LE AƑETƆ LA ME,” EYOME MIAÐO BIABIA SIA ŊU:

• Aleke nɔvinyɔnu siawo ƒe nyawo de dzi ƒo na wòe?