Esi xaxa gã la tu aƒe ta la, gbeƒãɖeɖedɔa hiã kpata. (Lod 24:11, 12, 20) Be míakpe ɖe amewo ŋu la, míate ŋu azã kadodogbalẽviawo atsɔ ahe amewo ƒe susu yi Mawu ƒe Nyaa kple míaƒe nyatakakadzraɖoƒea dzi. Dzesi aɖe le agbalẽvia dzi si akplɔ amea ayi video si nye Nu Ka Tae Wònyo Be Nàsrɔ̃ Biblia? gbɔ, eye wogakpe amea be ne egadi nyatakaka bubuwo alo di be woava srɔ̃ Biblia kpli ye la, ate ŋu abia. Ame aɖewo madi be yewoaxɔ míaƒe agbalẽwo o, gake woalɔ̃ be yewoayi míaƒe nyatakakadzraɖoƒea. Eya ta mègahe ɖe megbe o, tsɔ kadodogbalẽvia ƒe ɖe na wo. Ke hã mègana agbalẽvia ame siwo metsɔ ɖe le nyaa me o.

Ne èle wò gbe sia gbe dɔwo wɔm la, àte ŋu agblɔ na ame aɖe be: “Nane le asinye medi be matsɔ ana wò. Agbalẽvi sia akplɔ wò ayi internet dzi nyatakakadzraɖoƒe aɖe, eye le afi ma àkpɔ nyatakaka kple video siwo ku ɖe nya vovovowo ŋu la femaxee.” (Yh 4:7) Esi agbalẽviawo melolo o ta la, àte ŋu atsɔ ʋɛ aɖewo ɖe asi si nàte ŋu atsɔ ana amewo ne mɔnukpɔkpɔ ʋu ɖi.