Mɔnukpɔkpɔ tɔxɛ aɖe su mí Yehowa Ðasefowo si. Esi míenye Kristotɔ ɖeadzɔgbe xɔnyɔnyrɔwo ta, míeyia edzi léa ƒomedodo kplikplikpli si le mí kple Aƒetɔ Dziɖulagã Yehowa domea me ɖe asi. Eto Via dzi he mí ɖe eɖokui ŋu. (Yh 6:44) Eɖoa to sea míaƒe gbedodoɖawo.—Ps 34:15.

Nu kae míawɔ be míakpɔ ƒomedodo xɔasi sia si le mí kple Mawu domea ta? Mɔ ɖekae nye be míagawɔ nu gbegblẽ si Israel-viwo wɔ o. Esi wobla nu kple Yehowa megbe teti koa, wowɔ sikanyivi eye wode ta agu nɛ. (2Mo 32:7, 8; 1Ko 10:7, 11, 14) Anyo be míabia mía ɖokuiwo be: ‘Aleke mewɔa nui ne tetekpɔ aɖe va dzinye? Ðe nye nuwɔnawo ɖenɛ fiana be medea asixɔxɔ ƒomedodo si le nye kple Yehowa dome ŋua?’ Ne míelɔ̃ mía Fofo si le dziƒoa vevie la, awɔe be míatsri nu siwo wòlé fui.—Ps 97:10.

MIKPƆ VIDEO SI NYE KPƆ ƑOMEDODO SI LE WÒ KPLE YEHOWA DOME LA TA (KOL 3:5), EYOME MIAÐO BIABIA SIAWO ŊU:

• Nu kae nye ŋukeklẽ?

• Nu ka tae wòle be míaƒo asa na ŋukeklẽ kple trɔ̃subɔsubɔ?

• Aleke ahasiwɔwɔ sɔ kple trɔ̃subɔsubɔ?

• Nu ka tae wòle vevie be ame siwo dzi teokrasigbanɔamedziwo le la nakpɔ egbɔ be yewokpɔ yewo srɔ̃wo ƒe nuhiahiãwo gbɔ na wo?