Togbɔ be Yesue nye ame vevitɔ si nɔ agbe le anyigba dzi kpɔ hã la, ebɔbɔ eɖokui, eye wònya afi si eƒe ŋutete se ɖo tsɔ do Yehowa ɖe dzi. (Yh 7:16-18) Gake Satana ya va zu Abosam, si gɔmee nye “Amegɔmezɔla.” (Yh 8:44) Farisitɔwo ɖe Satana ƒe nɔnɔme fia. Dada si nɔ wo me wɔe be woda ame siwo xɔ Mesia dzi se la ɖe anyi. (Yh 7:45-49) Aleke míate ŋu asrɔ̃ Yesu ne subɔsubɔmɔnukpɔkpɔwo su mía si le hamea me?

MIKPƆ VIDEO SI NYE “MILƆ̃ MIA NƆEWO”​—ƑO ASA NA ŊUƲAƲÃ KPLE ADEGBEƑOƑO, AKPA 1, EYOME MIAÐO BIABIA SIA ŊU:

• Aleke Alex ƒe nuwɔnawo ɖee fia be ele dadam?

MIKPƆ VIDEO SI NYE “MILƆ̃ MIA NƆEWO”​—ƑO ASA NA ŊUƲAƲÃ KPLE ADEGBEƑOƑO, AKPA 2, EYOME MIAÐO BIABIA SIAWO ŊU:

• Aleke Alex ƒe nuwɔnawo ɖee fia be ebɔbɔ eɖokui?

  Aleke Alex de dzi ƒo na Bili kple Kɔami?

MIKPƆ VIDEO SI NYE “MILƆ̃ MIA NƆEWO”​—TSRI DADA KPLE NU SI MEDZE O WƆWƆ, AKPA 1, EYOME MIAÐO BIABIA SIA ŊU:

• Nu kae ɖee fia be Nɔviŋutsu Dunyo menya afi si eƒe ŋutete se ɖo o?

MIKPƆ VIDEO SI NYE “MILƆ̃ MIA NƆEWO”​—TSRI DADA KPLE NU SI MEDZE O WƆWƆ, AKPA 2, EYOME MIAÐO BIABIA SIAWO ŊU:

• Nu kae ɖee fia be Nɔviŋutsu Dunyo nya afi si eƒe ŋutete se ɖo?

  Nu kae Fafa srɔ̃ tso Nɔviŋutsu Dunyo ƒe nuwɔnaa me?