“Magazine Nyuitɔ Kekeake Siwo Li”

NYƆ! TALAWO xɔ lɛta aɖe nyitsɔ laa tso Lisel, si nye kɔledzivi aɖe si xɔ ƒe 18 gbɔ le United States. Eŋlɔ be:

“Mele ŋutinya srɔ̃m le kɔledzi. Ehiã be mawɔ sukudɔdasi si bia numekuku geɖe, eye meɖo be maŋlɔ tɔnyea ku ɖe alesi Yehowa Ðasefowo nɔ te ɖe Nazi ƒe ameteteɖeanyi nui le Germany le Nazi Dziɖuɖu Etɔ̃lia me ŋu. Madi be miaɖo nyadiƒe siwo mieyɔ le Nyɔ! me nyati si ƒe tanyae nye ‘Yehowa Ðasefowo—Dzi Nɔ Wo Ƒo le Nazitɔwo ƒe Ŋutasesẽnuwɔnawo Me’ ƒe nuwuwu le July 8, 1998, ƒe tata me la ɖem. Wowɔ numekuku deto hafi ŋlɔ nyatia, eye susu le eme ale gbegbe be ne metsɔ seselelãme kple nyateƒe siwo dze le eme ƒe afa ko ŋlɔ nye dɔdasiae la, anye ɖaseɖiɖi gã aɖe na nufiala siwo ato nye dɔa me.

“Akpe na mi be mieyia edzi taa magazine nyuitɔ kekeake siwo woate ŋu akpɔ. Mekpɔa ‘nuŋɔŋlɔ ŋuti nufiame’ le tata ɖesiaɖe me si de ŋgɔ wu nusianu si wofiana le nye suku, eye esia wɔe be ɣesiaɣi si maŋlɔ dɔdasi aɖe la, meɖoa taɖodzinu si kɔkɔ wu na ɖokuinye. Taflatse medi be mianya be mekpɔa ŋudzedze ɖe miaƒe agbagbadzedzewo ŋu.”

[Nɔnɔmetata Tsoƒe si le axa 12]

Center photo: Państwowe Muzeum Oświęcim-Brzezinka, courtesy of the USHMM Photo Archives