Mete Ŋu Dzra Etɔ Ðo O

Asitsala aɖe ŋlɔ na Yehowa Ðasefowo ƒe alɔdzedɔwɔƒe si le Slovenia be:

“Meda akpe na mi le magazine siwo nye Nyɔ! kple Gbetakpɔxɔ, siwo mieɖona ɖem edziedzi la ta. Metsɔa wo ɖe asi ne mele mɔ zɔm, eye mexlẽa wo le mɔ dzi kple ne mele lalam do ŋgɔ na dɔmekpekpewo wɔwɔ.

“Azɔ medi be miaɖo agbalẽ siawo siwo mieyɔ ɖe miaƒe magazineawo me ɖem: Is There a Creator Who Cares About You?, Tameɖoɖo Kae Le Agbe Ŋu—Aleke Nàwɔ Ake Ðe Eŋu?, kple Agbalẽ si Nyo na Amesiame.

“Madi be miaɖo agblalẽawo dometɔ ɖesiaɖe ƒe eve ɖem. Elabena ɣesiaɣi si maxlẽ miaƒe agbalẽ aɖe le nye mɔzɔzɔ me la, ame aɖe tsɔa ɖe le nusi xlẽm mele me vevie. Togbɔ be medina be madzrae ɖo ɖe nye agbalẽdzraɖoƒe ne mexlẽe vɔ hã la, metsɔa tɔnyea naa amea.”

Kakaɖedzi le mía si be axa 32 ƒe agbalẽ gbadza nyui sia si nye Tameɖoɖo Kae Le Agbe Ŋu—Aleke Nàwɔ Ake Ðe Eŋu?, xexlẽ aɖe vi na wò hã ale gbegbe. Agbalẽ sia ɖee fia be tameɖoɖo wɔnuku aɖe le mía Wɔla si na mí si ava eme kpuie. Ðeka ate ŋu asu asiwò ne èkpe nudɔgbalẽvi si kpe ɖe eŋu la ɖo eye nèɖoe ɖe adrɛs si dze le edzi alo nèzã adrɛs si sɔ le magazine sia ƒe axa 5 lia.

□ Miɖo agbalẽ gbadza si nye Tameɖoɖo Kae Le Agbe Ŋu? Aleke Nàwɔ Ake Ðe Eŋu? ɖem.

□ Taflatse miva wɔ aƒeme Biblia nusɔsrɔ̃ femaxee kplim.