Ðeviwo Hehe be Woazu Ame Ðɔʋuwo—Aleke Woawɔe?

Montreal, Canada, ƒe nyadzɔdzɔgbalẽ The Gazette me nyatakaka aɖe gblɔ be: “Ðeviwo srɔ̃a bubudedeameɖokuiŋu kple ɖokuidziɖuɖu ne dzilawo lɔ̃ wo gahea to hã na wo.” Nukae esia bia? Montreal susuŋutinunyala Constance Lalinec gblɔ be ele vevie be woaɖo seɖoƒe siwo to mɔ ɖeka na ɖeviwo le woƒe agbenɔnɔ ŋu.

Lalinec, amesi wɔ dɔ le ɖeviwo dome kple le ƒomewo me, gblɔ hã be “ne míevea ɖeviwo nu be woagakpɔ woƒe nuwɔna gbegblẽwo me tsonu vɔ̃wo o la, ke míele mɔ xem ɖe woƒe nusɔsrɔ̃ ƒe akpa gã aɖe hã nu.” Viwɔwɔ na ɖeviwo ate ŋu agblẽ nu le woƒe tsitsi ŋu vevie.

Aɖaŋuɖoɖo aɖe si tso Biblia me ku ɖe vinyinyi ŋu si me wokpɔ be nunya le ɣeyiɣi didi aɖee nye esia la sɔ pɛpɛpɛ. Egblɔ be: ‘Miaƒe nya Ẽ nanye Ẽ, O nanye O.’ (Mateo 5:37) Ne mienya de se aɖe si sɔ eye eme kɔ na mia viwo ko la, mikpɔ egbɔ be wote edziwɔwɔ enumake eye be woawɔ edzi ɣesiaɣi. Miaƒe nuwɔnawo nasɔ kple miaƒe nyawo be seawo nali ke. Esia nana be dzilawo ƒe sededewo kple nusiwo wokpɔa mɔ na me kɔna na ɖeviwo—be nusi ke amewo ‘ƒãna la, nu ma ke woaŋe.’ (Galatiatɔwo 6:7; Romatɔwo 2:6) Taɖodzinu si le tohehe si me lɔlɔ̃ le eye wòsɔ ŋue nye be wòana ɖeviwo nasrɔ̃ alesi woawɔ se dzii kple alesi woanɔ te ɖe dziɖeleameƒo kple woƒe didi aɖewo siwo mava eme kaba o nui ale be woate ŋu atu nɔnɔme siwo wohiã bene woate ŋu atsi azu ame tsitsi ɖota siwo ɖɔ ʋu ɖo.

Àte ŋu akpɔ nuxlɔ̃ame bubu siwo Mawu na dzilawo ku ɖe wo viwo hehe le lɔlɔ̃ me ŋu le agbalẽ si nye Nusi Gbɔ Ƒome ƒe Dzidzɔkpɔkpɔ Tsona me. Axa 192-gbalẽ sia ate ŋu asu asiwò ne èkpe nudɔgbalẽvi si kpe ɖe eŋu la ɖo eye nèɖoe ɖe adrɛs si dze le edzi alo nèzã adrɛs si sɔ le magazine sia ƒe axa 5 lia.

□ Miɖo agbalẽ si nye Nusi Gbɔ Ƒome ƒe Dzidzɔkpɔkpɔ Tsona ɖem.

□ Taflatse miva wɔ aƒeme Biblia nusɔsrɔ̃ femaxee kplim.