Kpekpeɖeŋu Si Li Ne Lɔlɔ̃tɔ Aɖe Ku

Ƒe aɖewoe nye esi va yi la, Yehowa Ðasefowo ta agbalẽ gbadza aɖe si ƒo nu tso alesi nuwɔwɔ ɖe lɔlɔ̃tɔ aɖe ƒe ku ŋu nye nusesẽe ŋu. Nyitsɔ laa la, míexɔ lɛta tso agbalẽxlẽla ŋudzedzekpɔla aɖe si tso Yugoslavia Dukɔ me gbɔ, amesi ŋlɔ be: “Mele akpe dam na mi tso dzi blibo me ɖe miaƒe agbalẽ gbadza si nye Ne Wò Lɔlɔ̃tɔ aɖe Ku ta. Le nyateƒe me la, eɖe nya siwo katã ku ɖe lɔlɔ̃tɔ aɖe ƒe ku ŋu me tsitotsito.”

Lɛtaa ŋlɔla ɖe eme be: “Esi fonye ku le ʋufɔku aɖe me la, agbalẽ gbadzaa ‘na kpekpeɖeŋu si hiãm enumake lam.’ Agbalẽa ƒe akpa si nye ‘Aɖaŋuɖoɖo Nyui Aɖewo’ si dze le axa 18 fa akɔ nam ale gbegbe. Gake le ɣleti ene megbe la, meva nɔ veve sem vevie le ŋkuɖoɖo eyama dzi ta. Mevɔ̃ be nye seselelãme ɖo afɔku me.

“Megaxlẽ agbalẽ gbadza sia ake, eye mede dzesii le nyati si nye ‘Nɔnɔme Vovovo Siwo me Wotona le Nuxaxa Me,’ le aɖaka si le axa 9 me be blanuiléle kple ŋkuɖoɖo amea dzie zɔna kple kakaɖemeɣi. Esia fa akɔ nam ale gbegbe. Akpe na mi ɖe miaƒe nublanuikpɔkpɔ sɔgbɔ si mieɖe fia le agbalẽ gbadza sia me la ta.”

Ðewohĩ wò alo amea ɖe si nènya hã akpɔ akɔfafa tso axa 32-gbalẽ gbadza sia xexlẽ me. Àte ŋu abia ɖeka ne èkpe nudɔgbalẽvi si kpe ɖe eŋu la ɖo eye nèɖoe ɖe adrɛs si dze le nudɔgbalẽvia dzi alo ɖoe ɖe adrɛs si sɔ le magazine sia ƒe axa 5 lia.

□ Miɖo agbalẽ gbadza si nye Ne Wò Lɔlɔ̃tɔ aɖe Ku ɖem.

□ Taflatse miva wɔ aƒeme Biblia-nusɔsrɔ̃ femaxee kplim.