Menye Ƒewuiviwo Koe Wònyo Na O

Le lɛta aɖe si Jolanta si xɔ ƒe 25 ŋlɔ ɖo ɖe Yehowa Ðasefowo ƒe dɔdzikpɔƒe si le Poland me la, eɖe nu me be yelé blanui. Enye nuwɔametɔ eyata mete ŋu zɔna o, eye dadaa kple mamaa ku le ɣleti ade domee. Gake eva te agbalẽ si nye Questions Young People Ask—Answers That Work xexlẽ. Eŋlɔ be:

“Ƒewuiviwo koe mebu be agbalẽ sia nyo na, ke menyo nam o. Nyemebui nyuie kura o! Esi mesrɔ̃ agbalẽa ƒe ta 12 va ɖo 16 la, meva kpɔ ŋuɖoɖo siwo me kɔ na nye biabiawo: ‘Nukatae meléa blanui alea gbegbe hetsia akogo?’ ‘Nukatae nye nu medzea ɖokuinye ŋu o?’ eye ‘Nukatae esi nye ƒometɔ veviwo ku la, mele nu xam alea gbegbe?’”

Eyi edzi be: “Nya siwo wogblɔ le axa 130 dometɔ eve dze ŋunye: ‘Enyanya be wò nuxaxa sɔ le dzɔdzɔme nu la ate ŋu akpe ɖe ŋuwò ŋutɔ be nànɔ te ɖe nɔnɔmea nu. Gake ɖeko nuxaxa la anɔ edzi yim ne ègbe nyateƒe si le nyaa me.’ Nya mawo xexlẽ do ŋusẽ mɔkpɔkpɔ si le asinye be magakpɔ amesiwo dɔ alɔ̃ le ku me, eye ewɔe be gɔmesese gava ɖo nye agbe ŋu geɖe wu.”

Ne àdi be yeaɖu yeƒe dziɖeleameƒowo dzi eye gɔmesese nava nɔ yeƒe agbe ŋu la, míexɔe se be agbalẽ si nye Questions Young People Ask—Answers That Work aɖe vi na wò hã. Be nàbia eƒe ɖe la, kpe nudɔgbalẽvi si dze le afisia ɖo nàɖoe ɖe adrɛs si dze le edzi alo nàɖoe ɖe adrɛs si sɔ le magazine sia ƒe axa 5 lia.

□ Miɖo agbalẽ si nye Questions Young People Ask—Answers That Work ɖem.

□ Taflatse miva wɔ aƒeme Biblia nusɔsrɔ̃ femaxee kplim.