“Nyɔ! Xɔm Ðe Agbe!”

Nyɔ! talawo xɔ akpedadalɛta aɖe tso Italy. Eƒe akpa aɖe xlẽ be:

“Mele Nyɔ! xlẽm ƒe 40 sɔŋ enye esia, eye mekpɔa ŋudzedze ɖe nyati nyui gbogbo vovo siwo ŋu wòƒoa nu tsoe la ŋu. Dɔwɔƒee menɔ nyitsɔ laa hafi se veve heliheli aɖe le nye dɔ me kple akɔta. Mewɔ susu be mayi aƒeme, gake esi megasee zi evelia la, mede dzesi nusi nɔ wɔyem. Meɖo ŋku nyati aɖe si dze le Nyɔ! me dzi si gblɔ dzidɔ ƒe amedzidzedze ƒe dzesiwo. * Mewɔ susu be mayi kɔdzi. Xɔ si me wolalana lee menɔ esi nye ta bi ɖe akpa ɖeka eye meku ƒenyi. Eƒe ŋufɔkee wogblɔ nya sia nam le afisi wokpɔa dɔnɔwo gbɔ kpata le.

“Nyee nye esi gale agbe egbea le esi ɖɔkta bibiwo tsom xɔ ta. Gake ele be magaɖe ŋudzedzekpɔkpɔ afia ɖe miaƒe magazine si na mekpɔ nyatakaka si na mewɔ nyametsotso nyuitɔ yi kɔdzi la ŋu. Nyɔ! xɔm ɖe agbe!”

[Etenuŋɔŋlɔ]