‘Magazine Si Wòle Be Woaɖu Wòame Woami’

DAVID nye sesrɔ̃la le Obafemi Awolowo Yunivɛsiti le Nigeria. Nyitsɔ laa la, eŋlɔ agbalẽ na Yehowa Ðasefowo ƒe alɔdzedɔwɔƒe si le afima be: “Metsɔa Nyɔ! yinɛ na nufialagã bubume aɖe si xɔ ƒe 70, si le sukua ƒe sefiaƒea edziedzi. Gbeɖeka ŋdi esi wòxɔ tata yeyeawo vɔ la, egblɔ na amedzro aɖe si va egbɔ le eƒe ɔfis be: ‘Ðeko wòle be woaɖɔ agbalẽ aɖewo kpɔ, woami ɖewo, gake ʋɛ aɖewo li siwo wòle be woaɖu wòame woami. Nyɔ! nye magazine si wòle be woaɖu wòame woami.’”

David gblɔ be esi yenɔ dzodzom le nufialagãa ƒe ɔfis ɣebubuɣi la, yese wònɔ Nyɔ! kafum na amedzro bubu. “Ekafu numekuku gbogbo si wowɔ hafi ŋlɔ Nyɔ! kple alesi wòƒoa nu tso nyawo ŋui le mɔ si da sɔ nu gake heyia nyawo gbɔ tẽ dzinɔameƒotɔe la. Mese wònɔ gbɔgblɔm be: ‘Mexlẽa magazine siawo tsitotsito. Mawu kokokoe anya na nunya eŋlɔlawo wotsɔ le nyati wɔnuku siawo ŋlɔmee.’”

Nufiame geɖe le Nyɔ! me eye eƒoa nu tso nyati geɖewo ŋu. Vevietɔ wu la, etua Wɔla la ƒe ŋugbe si wòdo le Biblia me tso ŋutifafaxexe yeye si ava xɔ ɖe fifi nuɖoanyiawo teƒe la ŋuti kakaɖedzi ɖo. Axa 32-gbalẽ gbadza si nye Nukae Mawu Di tso Mía Si? ƒo nu tso Mawu ƒe tameɖoɖo ma ŋu, eye wòna nusi wòhiã be míawɔ be míaƒe nu nadze eŋu ŋuti nyatakaka tso Biblia me. Àte ŋu adɔ agbalẽ gbadza sia ne èkpe nudɔgbalẽvi si kpe ɖe eŋu la ɖo heɖoe ɖe adrɛs si dze le nudɔgbalẽvia dzi alo ɖoe ɖe adrɛs si sɔ le magazine sia ƒe axa 5 lia.

□ Madi be miaɖo Nukae Mawu Di tso Mía Si? ƒe agbalẽ gbadza ɖeka ɖem.

□ Taflatse miva wɔ aƒeme Biblia nusɔsrɔ̃ femaxee kplim.