Zã si Dzi Woaɖo Ŋkui​—Kwasiɖagbe, April 4, 2004

LE ZÃ si do ŋgɔ na Yesu Kristo ƒe ku me la, eɖo eƒe ku ƒe Ŋkuɖodzi anyi. Le wɔna bɔbɔe aɖe si me Yesu zã kpɔɖeŋunu siwo nye wein kple abolo maʋamaʋã le kple eƒe apostoloawo me la, ede se be: “Minɔ esia wɔwɔ dzi hena ŋkuɖoɖo dzinye.”—Luka 22:19, NW.

Yehowa Ðasefowo le kpewòm dzidzɔtɔe be nàva ne yewoaɖu ƒe sia ƒe ƒe Ŋkuɖodzi sia. Woawɔ ƒe sia me tɔ le ɣeɖoto megbe le Kwasiɖagbe, April 4, si nye ɣletiŋkeke si dze Nisan 14 lia dzi le Biblia ƒe ɣletigbalẽ si wobuna ɖe dzinu dzi la dzi. Taflatse, bia Yehowa Ðasefo siwo le mia gbɔ ne woagblɔ teƒe si tututu woakpe ta le kple gamea na wò.