Numeɖeɖeawo akpe ɖe ŋuwò be nàse Biblia gɔme nyuie wu. Le kpɔɖeŋu me, ne èle nudzɔdzɔ aɖe xlẽm le kpukpui aɖe mea, àte ŋu akpɔ nyatakaka geɖe ku ɖe eŋu; àkpɔ ale si nuwo nɔ le ɣeyiɣi si me nua dzɔ, nu si tae woŋlɔ kpukpui ma, ame si wòka, alo ale si woɖe nya aɖewo me.

Le Gbetakpɔxɔ INTERNET DZI AGBALẼDZRAÐOƑE kple JW Library^® siaa mea, àte ŋu aʋu nyati siwo wofia asii le Numekuku Ŋuti Mɔfiagbalẽa me la le Biblia me tẽe. Ne ète asi ɖe kpukpui aɖe dzia, nyati siwo dzro eme aʋu le axadzi. Àkpɔ esia le Biblia gɔmeɖeɖe ɖe sia ɖe si nàʋu me.

Hafi nàxlẽ nyati siwo dzro kpukpui aɖe mea, lé ŋku ɖe ƒe si me wota nyatiawo ŋu. Nyati yeyetɔwo anɔ dzia eye xoxoawo anɔ ete le ɖoɖo ma nu. Nenɔ susu me na wò be le nyati xoxotɔ aɖewo mea, numeɖeɖe aɖewo ate ŋu anye gɔmesese si nɔ mía si tsã le ŋɔŋlɔ aɖewo ŋu.

• Ne èʋu Biblia le Gbetakpɔxɔ INTERNET DZI AGBALẼDZRAÐOƑEA, àkpɔ nyati siwo wofia asii le Numekuku Ŋuti Mɔfiagbalẽa me; mahiã be nàhee ɖe mɔ̃a dzi o.

• Le JW Library gomea, ehiã be nàhe Numekuku Ŋuti Mɔfiagbalẽa ɖe wò mɔ̃a dzi hafi nàte ŋu akpɔ nyati siwo ɖe kpukpuiawo me. Eye ɣesiaɣi si eƒe yeyetɔ doa, wɔ eƒe kɔpi. Be nàwɔ esia, ʋu Biblia-gbalẽ aɖe eye nàʋu eƒe ta ɖe sia ɖe si nèdi. Àkpɔ akpa aɖe si woŋlɔ ɖo be Research Guide (Numekuku Ŋuti Mɔfiagbalẽa). Te asi ɖe Download si le etea dzi be nàhee ɖe wò mɔã dzi.