Le jw.org ƒe akpa si nye “Kpɔ Nu Yeyewo” alo JW Library^® ƒe akpa si nye “Nu Yeyewo” la, àkpɔ nyati yeyewo kple video siwo do nyitsɔ laa. Aleke nàte ŋu awɔ akpa sia ŋu dɔ atsɔ ake ɖe nyati yeyewo ŋu?

• Ne nyati yeye aɖe do le JW Library mea, manɔ eɖokui si nàkpɔ o, ke boŋ wodenɛ nyati vovovowo ƒe hatsotso si wòdo ƒome kplii me. Eya ta ne nyati vovovowo ƒe hatsotso aɖe dze le akpa si nye “Nu Yeyewo” tea, efia be wotsɔ nyati yeye aɖewo de eme. Ne èwɔ eƒe kɔpi eye nèʋuia, àkpɔ be woɖo nyatiawo ɖe ɖoɖo si nu wodo le nu; yeyetɔa ye nye gbãtɔ.

• Ne èle magazine alo agbalẽ aɖe xlẽm eye mèwu exexlẽ nu oa, àte ŋu atsɔe akpe ɖe Nu Siwo Nèlɔ̃a Ʋuʋu ŋu ale be wòanɔ bɔbɔe be nàgake ɖe eŋu ayi exexlẽ dzi. Ne èxlẽe vɔa, àte ŋu aɖee ɖa le Nu Siwo Nèlɔ̃a Ʋuʋu la dome azɔ.

Nyadzɔdzɔwo, gbeƒãɖeɖewo kple nyati bubu aɖewo mele JW Library o; jw.org koe nàkpɔ wo le. Eya ta ɖo ŋku edzi nànɔ jw.org ƒe akpa si nye “Kpɔ Nu Yeyewo” ʋum edziedzi be nàke ɖe nyati yeye siwo do ŋu.