Wɔna aɖe si Mele Be Wòato Ŋuwò O

“Nunana nyuiwo katã kple nunana blibowo katã” tso Mawu, mía Fofo si le dziƒo, gbɔ.—Yakobo 1:17.

NU GÃTƆ kekeake si Mawu tsɔ na ameƒome siwo nye nuvɔ̃mewoe nye ɖoɖo si wòwɔ ɖe wo ɖeɖe ŋu to eƒe Tenuvi, Yesu Kristo, dzi. Yesu si nye míaƒe Tafexela la ƒe ku ʋu mɔ ɖi be míanɔ agbe mavɔ le paradisonyigba dzi. Wode se na mí le Luka 22:19 be míaɖo ŋku eƒe kua dzi.

Yehowa Ðasefowo tsɔ dzidzɔ le kpewòm be nàva wɔ ɖeka kpli yewo ne yewoawɔ ɖe Yesu ƒe sedede ma dzi. Woaɖu ƒe sia ƒe zã sia le ɣeɖoto megbe le ŋkeke si dze Nisan 14 lia dzi le Biblia ƒe ɣletigbalẽa dzi—si nye Kwasiɖagbe, April 8, 2001. De dzesi ŋkeke sia ɖi ale be màgaŋlɔ be o. Yehowa Ðasefo siwo le miaƒe nutoa me ate ŋu agblɔ afisi tututu woakpe le kple ɣeyiɣia na wò.