Nudzɔdzɔ Vevitɔ Kekeake le Ŋutinya Me

YAE nye Yesu Kristo ƒe ku. Nukatae wòle vevie nenema gbegbe ɖo? Susu vovovo aɖewo tae.

Yesu ƒe nuteƒewɔwɔ vaseɖe ku me ɖo kpe edzi be amegbetɔ ate ŋu alé nuteƒewɔwɔ me ɖe asi na Mawu.

Kristo ƒe ku na mɔnukpɔkpɔ su ame aɖewo si be woanye eƒe dziɖuhatiwo le dziƒo. Eʋu mɔ na ame gbogbo aɖewo hã be woanɔ agbe tegbee le paradisonyigba dzi.

Le fiẽ si do ŋgɔ hafi Yesu naku la, etsɔ abolo maʋãmaʋã kple wein dzĩ wɔ vɔ si wòatsɔ eƒe ŋutilã asa lɔlɔ̃tɔe la ƒe kpɔɖeŋu. Eye wògblɔ na eƒe nusrɔ̃lawo be: “Minɔ esia wɔwɔ dzi hena ŋkuɖoɖo dzinye.” (Luka 22:19, NW ) Àɖo ŋku nudzɔdzɔ vevi sia dzia?

Yehowa Ðasefowo tsɔ dzidzɔ le kpewòm be nàwɔ ɖeka kpli yewo le Yesu ƒe ku ƒe Ŋkuɖodzia ɖuɖu me. Woaɖu azã sia le ƒe sia me le Yawoɖa, March 28, dzi le ɣeɖoto megbe. Àte ŋu ade le Fiaɖuƒe Akpata si tsɔ ɖe gbɔwò la me. Taflatse bia Yehowa Ðasefo siwo le mia gbɔ ne woagblɔ teƒea kple game si tututu woawɔe la na wò.