Ŋkeke Si Dzi Wòle Be Woaɖo Ŋkui

LE ZÃ si do ŋgɔ na Yesu Kristo ƒe kua me la, etsɔ abolo maʋamaʋã kple kplu si me wein dzĩ nɔ de asi na eƒe apostolowo hegblɔ na wo be woaɖu ahano. Egblɔ na wo hã be: “Miwɔ esia hena ŋkuɖoɖo dzinye.”—Luka 22:19.

Le ƒe sia me la, wɔna sia ƒe ƒezã la dze Kwasiɖa, April 4 lia dzi, le ɣeɖoto megbe. Yehowa Ðasefowo aƒo ƒu le xexeame godoo le zã sia dzi be woaɖu Ŋkuɖodzia le mɔ si Yesu fia nu. Míele kpewòm lɔlɔ̃tɔe be nàwɔ ɖeka kpli wo. Taflatse bia Yehowa Ðasefo siwo le mia gbɔ hena game si tututu dzi woawɔ kpekpe tɔxɛ sia kple afisi woawɔe le.